बिशेष अनलाइन । समय समयमा चर्चामा आइरहने गर्छन र्यापर समिर घिसिङ ‘भिटेन’ । बिशेषगरी भिटेनलाई युवापुस्ताले निकै रुचाएका छन् । समय सान्दर्भिक र्याप गाउन सिपालु मानिएका र्यापर भिटेनलाई अब चलचित्रमा देख्न पाइने भएको छ । भिटेनले चलचित्र ‘रत्नपार्क’ नामक मा काम गर्नका लागि लिखित सम्भौता गरेका छन् । बुढासुब्बा ओर्जिनलले निर्माण गर्न लागेको चलचित्रको निर्माता नवराज गिरी हुन् ।
भिटेनले चलचित्रमा ‘रत्नपार्क’मा काम गर्नका लागि १८ लाख रुपैयाँ लिएको चर्चा चलचित्र बजारमा छ । चलचित्र ‘रत्नपार्क’का लागि अन्य कलाकारको भने टुंगो लाग्न बाँकी रहेको निर्माण युनिटले बताएको छ । चलचित्रले रत्नपार्कको कथा लाई नै मुख्य बिषयवस्तु बनाएको बुझिएको छ ।
र्यापर भिटेन गीतमा अश्लिल शब्द प्रयोग गर्ने गरेका कारण बेला बेलामा चर्चामा आउने गरेका छन् । केही समय अघि प्रहरीले समेत उनलमई पक्राउ गरेको थियो । अश्लिल शब्द प्रयोग र समय सान्दर्भिक र्याप गाउने भएकै कारण उनलाई युवापुस्ताले बिशेष रुचाउने गरेका छन् । र्यापमा निकै रुचाइएका भिटेनलाई अब चलचित्रमा नेपाली दर्शकले कत्तिको रुचाउछन् त्यो भने हेर्न बाँकी रहेको छ ।
Discussion about this post