बिशेष अनलाइन । हास्य कलाकार किरण केसी ‘राता मकै’ले मोहन वैद्य ‘किरण’ नेतृत्वको नेकपा क्रान्तिकारी माओवादीले कब्जामा लिएको जग्गमामा आफ्नो कुनैपनि संलग्नता नभएको बताएका छन् ।
“म ट्वान्टी वान समूहको ब्राण्डएम्वेस्डर हो । ब्राण्डएम्वेस्डर रहेका कारण समूहले भनेको स्थानमा जानुपर्ने हुन्छ । सोही कारण ट्वान्टी वान समूहसँग समय समयमा चितवन गएको भएपनि उक्त जग्गामा भने मेरो कुनैपनि संलग्नता छैन” केसीले बिशेष अनलाइनसँग भने ।
किरणले आफु ट्वान्टी वान समूहमा मात्र नभएर यसप्रकारका अन्य कुनैपनि समूह वा संघसंस्थामा नरहेको बताएका छन् । उनले ब्राण्डएम्वेस्डर भएकै कारण उक्त कार्यमा संलग्नता देखाउनु दुखद भएको समेत बताएका छन् । यस बिषयमा केही दिन भित्रमा नै पत्रकार सम्मेल गरेर आफ्नो संलग्नता नभएको आधिकारिक रुपमा जानकारी दिने समेत किरणले बताएका छन् ।
मोहन वैद्य ‘किरण’ नेतृत्वको नेकपा क्रान्तिकारी माओवादीले चितवनको माडीस्थित पौबारीमा रहेको ४० बिघा जग्गा कब्जामा लिएको घोषणा गरेको छ। उक्त जग्गा कब्जा गरिएको विषयमा आज चितवनमा सर्वदलिय छलफल हुन लागेको बताइएको छ । गैरकानुनीरुपमा जमिन खण्डीकरण गरेको आरोप लगाउदै उक्त जग्गा कब्जा गरिएको नेकपा क्रान्तिकारी माओवादीले जनाएको छ ।
नेकपा क्रान्तिकारी माओवादीले गैरकानुनीरुपमा जमिन खण्डीकरण गर्ने कार्यमा माडी नगरपालिकाका मेयर ठाकुर ढकालको पनि संलग्नता रहेको आरोप लगाएको छ।
Discussion about this post