बिशेष अनलाइन । साउथ चलचित्रका चर्चित अभिनेता नागा चैतन्य र अभिनेत्री सामन्थाले ४ वर्ष सम्मको बैवाहिक सम्बन्ध अन्त्य भएको उद्घोष गरिसकेका छन् । नेपालमा पनि यो जोडीका प्रशंसक प्रसस्त थिए । उनीहरुले केही समय अघि मिडियामा आएका सम्बन्ध बिच्छेदका खवर गलत भएको बताए पनि अन्तत सामाजिक सञ्जालमार्फत नै उनीहरुले सम्बन्ध विच्छेदबारे सार्वजनिक गरिसकेका छन् ।
उनीहरुको सम्बन्ध विच्छेदपछि बिभिन्न सञ्चारमाध्यमहरुले १० करोडमा गरिएको बिवाह ५० करोड दिएर अन्त्य गरेका खवर आएका थिए । तर, अन्तत अभिनेत्री सामन्थाले सम्बन्ध बिच्छेद गरेपछि पाउने भनिएको ५० करोड रकम लिन अस्विकार गरेकी छन् ।
स्रोतअनुसार उनलाई सुरुमा दुई सय करोड भन्दा माथि रकम दिने प्रस्ताव गरिएको थियो, तर आफ्नो सम्बन्ध समाप्त गर्न एक पैसा पनि नचाहिने सामन्थाले बताएकी छन् ।
सामन्था सम्बन्ध टुटेका कारण निकै विचलित भएका खवर आइरहेका छन् । श्रोतका अनुसार, ‘उनलाई यो विवाहबाट माया र साथको जरुरी थियो । अब सम्बन्ध नै समाप्त भएपछि उनलाई यसबाट अरु केही चाहिँदैन ।’
सामन्था र चैतन्यको प्रेमसम्बन्ध सन् २०१० मा ‘ये माया चेसाबे’ चलचित्रमा काम गर्दै गर्दा सुरु भएको थियो । उनीहरु सन् २०१७ मा वैवाहिक सम्बन्धमा बाधिएका थिए । सामन्थाले आफ्नो नामबाट नागाको थर हटाएपछि उनीहरुको सम्बन्ध विच्छेदको हल्ला भएको थियो ।
Discussion about this post