बिशेष अनलाइन । नेपाली लिम्बू जातीको मौलिक संस्कृतिका साथै किपट प्रथा प्रस्तुत गरिएको चलचित्र “चेसुङ”को च्यारिटी शो गरिएको छ । धरानमा रहेको गणेश टाकिजमा गरिएको प्रिमियर शो मा धरानका कलाकार तथा बिभिन्न सञ्चारकर्मीहरुको उपस्थिति रहेको थियो ।
थिएटर सहाराका अध्यक्ष नविन मेन्याङ्वोको प्रमुख आतिथ्यमा भएको कार्यक्रममा “चेसुङ”लाई सहयोग गर्ने बिभिन्न ब्यक्तित्वहरुलाई सम्मान गरिएको थियो । २०६४ सालमा निर्माण गरिएको चलचित्र “चेसुङ”मा तत्कालिन राजा महेन्द्रले किपटप्रथाको उन्मुलन गरेपछि लिम्बू जातीमा रहेका सुब्बाहरु आर्थिक,भौतिक तथा शारिरकरुपले कमजोर बनेको कथालाई उत्कृष्ट शैलिमा प्रस्तुत गरिएको छ ।
आफुले खाइलाई आएको स्थानमा कमजोर अवस्था भएपछि त्यो ठाँउबाट बिस्थापित नै हुनुपरेको कथालाई चलचित्रमा देखाइएको छ । चलचित्र“चेसुङ”मा वरिष्ठ कलाकार प्रेम सुब्बा,भीष्मा चेम्जोङ,शोभा खजुम,सावित्रा इङ्नाम,बिष्णु चेम्जोङ,यासेली योङ्हाङ,रमेश सिङ्गक,आशिष लिङ्देन,पुष्प श्रेष्ठ,मनोज शाक्य,कुलचन्द्र न्यौपाने,कृष्ण आचार्य,राजिव दाहाल,सौगात रिजाल लगायतका कलाकारहरुको अभिनय देख्न सकिन्छ । चलचित्रको निर्देशन मौसम इम्बुङ लिम्बूले गरेका हुन् ।
याक्थुङ मङ्गेना चुम्लुङको प्रस्तुतिमा निर्माण भएको चलचित्रको कार्यकारी निर्माता किशोर सम्वाहाम्फे हुन् । चलचित्रको कथा भीष्मा चेम्जोङले लेखेका हुन् । धनकुटाको राजारानी आसपासमा छायांकन गरिएको चलचित्रलाई युवराज राई र दिनेश राईले खिचेका हुन् । चलचित्रको सम्पादन राजेन्द्र कुवरले गरेका हुन् ।
Discussion about this post