इटहरी / सांगीतिक कार्यक्रमका लागि अमेरिका गएर उतै रहदै आएका गायक रामकृष्ण ढकालले कोरोना संक्रमित नेपालीका लागि १८ लाख रुपैयाँ सहयोग जुटाएका छन् । पुगेका रामकृष्ण उतै रोकिएका छन् । नेपालमा कोरोना संक्रमणका कारण दैनिक २ सयको संख्यामा नेपालीहरुले ज्यान गुमाइरहेका छन् । सोही कुरालाई मध्यनजर गर्दै उनले अमेरिकामा रहेका नेपाली तथा नेपाली भाषी भुटानीहरुबाट उक्त रकम सहयोग जुटाएका हुन् ।
गायक ढकालले अमेरिकामा रहेका नेपाली शुभचिन्तक माझ सहयोगको आब्हान गरेका थिए । उनले सामाजिक सुञ्जाल मार्फत ुहयोग गर्ने सबैलाई धन्यवाद दिएका छन् ।
‘मेरो विनम्र अनुरोधमा अमेरिकामा रहेका मनकारी नेपाली तथा भुटानी नेपाली दाजुभाई तथा दिदीबहिनीहरुले खुला ह्दयले सहयोग गर्नुभएको छ’ उनले भनेका छन् । सो क्रममा पहिलो चरणमा जम्मा भएको करिब १८ लाख रुपैयाँ महावीर पुनको राष्ट्रिय अविष्कार केन्द्रको नाममा रहेको हिमालय बैंकको खातामा जम्मा गरिएको ढकालले जानकारी दिएका छन् ।
अझै पनि केही मनकारी व्यक्तिहरुले सहयोग रकम प्रदान गर्ने बचन दिएको बताउँदै त्यो रकम प्राप्त भएमा नेपालको सामाजिक सेवामा उल्लेखनीय योगदान पुर्याइरहेका अन्य व्यक्तित्वहरूबाट स्थापित संस्थाहरूमार्फत् सहयोगका लागि पठाइने ढकालले बताएका छन् । सहयोग गर्ने व्यक्तिहरुको नाम सहीत सहयोग रकम उनले सामाजिक सञ्जालमा उल्लेख गरेका छन् ।
नेपालमा कोरोना संक्रमण भएर अक्सिजन अभावका कारण नेपालीहरुको ज्यान जान थालेपछि बिभिन्न कलाकर्मी दिल खोलेर सहयोग जुटाउन लागी गरेका छन् । उनीहरु कलाका क्षेत्रमा मात्र नभइ परि आउदा देश र जनताका निमित्त कटिबद्ध भएर लागि पर्न सक्छन् भन्ने उदाहरण पेश गरिरहेका छन् । यता नेपाली जनताले पनि पछिल्लो समय राजनैतिक दल भन्दा कला क्षेत्रका बिभिन्न व्यक्तित्वलाई नै बिश्वास गर्न थालेका छन् ।
Discussion about this post