बिशेष अनलाइन । कोरोना भाइरसका कारण जारी लकडाउन खुकुलो बन्दै गएपछि जनजिवन पुन सामान्य बन्न थालेको छ । हुन त सरकारले तेस्रो भेरियन्ट आउन सक्ने भन्दै सतर्क रहन सबैलाई आग्रह गरिरहेको नै छ । सबै क्षेत्र सामान्य बन्दै जादा मनोरञ्जन क्षेत्र पनि बिस्तारै चलायमान बन्दै गइरहेको छ ।
यसैबिच कोरोना भाइरका कारण बन्द रहेका बिभिन्न मनोरञ्जनात्मक कार्यक्रमहरु धमाधम सुरु हुन थालेका छन् । बन्द भएका द भ्वइस अफ नेपाल, कमेडी च्याम्पियन लगायतका केही रियालिटी शो हरु पुन सुचारु भइसकेका छन् । यसै बिच जितु नेपाल मुन्द्रेले सञ्चालन गर्दै आएको कमेडी शो ‘मुन्द्रेको कमेडी क्लब’ पनि अब भने प्रसारणमा आउने भएको छ ।
कोरोनाको दोस्रो लहर सुरु भएसँगै गरिएको लकडाउनमा पुरानै शो प्रसारण हुदै आएको थियो । अब भने सरकारले जारी गरेको स्वास्थ्य मापडन्डको नियम पालना गर्दै शो लाई नियमित प्रसारणमा ल्याउने तयारी गरिएको जितु नेपालले जानकारी दिए ।
‘मुन्द्रेको कमेडी क्लब’धमाधम छायांकन भइरहेको र आउने सोमबारबाट नयाँभागहरु प्रसारणमा आउने जितुले सामाजिक सञ्जाल मार्फत पनि जानकारी गराएका छन् । यस अघि पुरानै शो प्रसारण गर्नुपरेको भन्दै उनले दर्शकसामु दुख व्यक्त गरेका छन् । उनले कार्यक्रमको निरन्तरता चाहाने शुभचिन्तकहरुलाई धन्यवाद दिएका छन् ।
‘हामीलाई विभिन्न कठिनाइहरू छन् । कत्ति कुराहरू चाहेर पनि गर्न नसकिने बाध्यता पनि छन् । सानो देश छ, सानो व्यापार छ । त्यसमा पनि कोरोनाले सबै क्षेत्र थिलोथिलो बनाएको छ’ र पनि हामी जसोतसो अगाडि बढ्ने कोसिस गर्दैछौं ।’ जितुले भनेका छन् ।
Discussion about this post