बिशेष अनलाइन । पछिल्लो समय म्यूजिक भिडियोमा निकै रुचाइएको जोडी हो पल शाह र मलिका महत । दर्शकले यो जोडीको डिमाण्ड गरिरहेका छन् । यतिसम्म की पछिल्लो समय यो जोडीलाई रियल जोडीका रुपमा देख्न चाहाने दर्शक पनि उत्तिकै छन् । गायिका मिलन नेवारको स्वरमा रहेको ‘फूलबुट्टे सारी’र गायिका अस्मिता अधिकारीको स्वरमा रहेको ‘टाढा भएपनि’ गीतलाई दर्शकले औधी रुचाएका छन् ।
म्यूजिक भिडियोमामात्र सिमित रहेको यो जोडीको चलचित्र नगरीमा पनि चर्चा भइरहेको छ । सर्बाधिक रुचाएको यो जोडीलाई लिएर चलचित्र निर्माण गर्ने चाहाना धेरै निर्देशक निर्माताहरुले गरिरहेका छन् । यसैबिच पुरानो चलचित्र पर्खी बसेँ को सिक्वेलका रुपमा निर्माण हुन लागेको चलचित्र ‘पर्खी बसेँ २’मा यो जोडीलाई देख्न पाइने लगभग पक्का भएको छ ।
गोपीकृष्ण मुभिजको ब्यानरमा निर्माण हुन लागेको चलचित्र ‘पर्खी बसेँ २’का लागि पल र मलिका दुबैसँग मौखिक सम्झौता भइसकेको चलचित्रकी निमात्री निकिता पौडेलले जानकारी दिएकी छन् । स्क्रिप्ट र भूमिका दुबैलाई मन परेको र केही दिनभित्रमा नै लिखित सम्झौता गर्ने तयारी भइरहेको निमात्री पौडेलले बताएकी छन् । चलचित्र ‘पर्खी बसेँ २’लाई सौरभ चौधरीले निर्देशन गर्ने बुझिएको छ ।
२०६५ सालमा निर्माण भएको सुपरहिट चलचित्र ‘पर्खी बसेँ’ मा राजबल्लभ कोइराला, निखिल उप्रेती र युना उप्रेतीको मुख्य भूमिका रहेको थियो । उक्त चलचित्रलाई निर्देशक दीपक श्रेष्ठ निर्देशन गरेका थिए ।
Discussion about this post