थारु संसकृति बचाउन संग्रहालय

बिशेष अनलाइन । नेपालमा बिभिन्न जातजाती, भाषा, संस्कृति र परम्पराहरु छन् । बिभिन्न समुदायले आ आफ्नै भेषभुषा अनुसार पौराणिक समय देखि चलि आएको परम्परालाई अंगालेर अघि बढिरहेका छन् ।

यसै बिच आफ्नो संस्कृतिलाई बचाइराख्ने उद्देश्यले उदयपुरको बेलका नगरपालिकामा थारुहरुले आफ्नो पैराणीक सामनमहरु संग्रहीत गरेर राखेका छन् । बेलका वडा नम्बर २ बेल्हमा दुई तले भवन बनाई थारु जतिको पुराना सामानहरुलाई संग्रहीत गरेका हुन् । थारुहरुको सामन लोप हुँदै गएकाले संग्रहालय बनाएइको थारु संग्रालय निर्माण समितिका अध्यक्ष तथा जग्गा दता मिश्रीलला चौधरीले बताएका छन् ।

चौधरीका अनुसरा संग्रहालयमा जाल, झेली, ढिकि, थारुहरुको कपडा, ओख्रि, कठोत, रोरी पकाउने साचो, थोत्रि, हलो, पुरानो पैसा, थारुहरुले लगाउने गरगहना लगाएतका सामानहरु रहेका छन् । ‘थारुहरुको सामन जुटाउनु बाकिनै रहेको छ, हामी केहि वर्षमा सम्पुर्ण सामानहरु पुरा गराउँने छौँ ।’अध्यक्ष चौधरी भने । झण्डै एक वर्ष अगाडीबाट सञ्चालनमा आएको संग्रहालयमा लकडाउनको कारण अहिले पर्यटनहरुको आगमन भएको छैन ।

०७७ सालको जितिया पर्वको समयमा धुमधामका साथ संग्रालयको उत्घाटन गर्ने लक्ष राखिएको थियो । त्यो लक्ष कोरोनाको महामारीका कारण पुरा हुन नसकेको बेलका नगर स्तरीय थारु उत्थान समितिका अध्यक्ष हरीनारायण चौधरीले बताएका छन् ।

हरीनारायणका अनुसार उक्त संग्रहालय बन्नमा प्रदेश सांसद विमल कार्की, बेलका नगरपाकिलका र स्थानीयको सहयोग रहेको छ । दुई तले भवनमा तल्लो तलामा सभा हल र कार्यलय बनाइएको र माथिल्लो तलामा संग्रहालय बनाएको थारु निर्माण समितिका सदस्य नन्दिलाल चौधरीले जानकारी दिए । उनका अनुसार थारुहरुको जन्म देखि मृत्यु सम्म्को सास्कृतिक सामाग्री संग्रहालयमा राखिएको छ ।

“थारु समाजमा जन्मिएका नयाँ पुस्ताहरुले हाम्रो पुर्खाको सवैकुराहरु देखेका थिएनन्, यो संग्रहालय बनोपछि उनीहरुलाई देखाउन र चिनाउन सजिले भएको छ,” स्थानीय रामप्रसाद सिल्पकारले भने ।

संग्रहालय बनाउन नगर स्तरीय थारु उत्थान विकास मितिबाट चार लाख र प्रदेश नम्बर १ निर्वाचन क्षेत्र बिशेष कार्यक्रम अन्तरगत ४ लाख ९३ हजार आएको थियो । जसअन्तरगत ०७६।०७७ मा योजना अघि बढाएर भवन निर्माण गरिएको हो ।