बिशेष अनलाइन । लामो समय देखि प्रदेश १ को इटहरीमा रहेर कालाकारिता क्षेत्रमा आफुलाई समर्पित गरेको एउटा नाम हो दिनेश कोइराला । जे बी राईको निर्देशनमा बनेको चलचित्र द कमान्डोबाट बाल कलाकारका रुपमा चलचित्र नगरीमा प्रवेश गरेका थिए दिनेश ।
त्यसछि उनले मिराज,म पर्खिरहन्छु , फेक फ्रेन्ड ,राम साइली लगायतका चलचित्रका साथै दर्जनौं म्युजिक भिडियोहरुमा काम गरिसकेका छन् । कोइरालाले करिब २२ भन्दा धेरै टेलिभिजन एडमा समेत अभिनय गरेका छन् ।
उनले भिलेनका रुपमा अभिनय गरेको चलचित्र अभियानको छायांकन केहीसमय अगाडीमात्र सकिएको छ । लाखमान योन्जनद्धारा निर्देशित अभियानको हाल पोष्ट प्रोडक्शनको काम भइरहेको छ । कोइराला चलचित्रकर्मी महासंघ प्रदेश १ का महासचिव हुन् । उनै अभिनेता कोइरालासँग हामीले फन्नी गफ गरेका छौँ ।
बिहान उठ्दा आफुलाई महिलाका रुपमा पाउनुभयो भने ?
ओ माइ गड… म त दौडेर गाएर श्रीमतीलाई हेर्थे, उनी चैँ म जस्तो भइन् की भनेर । म महिला हुदा श्रिमती पनि त पुरुष हुन्छिन् होला नि त, तर यदी त्यस्तो भएन भने भगवानकोमा गएर मलाई पुरुष नै बनाइदिनु भनेर पुकार गर्थेँ ।
बिहेपछि पुरुष महिलाको घर जाने सिस्टम सुरु भयो भने ?
स्विकार्नु पर्छ । हाम्रो समाज अहिले पनि पितृ सतात्मक छ । ज्वाई ससुराली गएर बस्यो भने उसलाई समाजले जोइटिङ्ग्रे उपनाम दिने गर्छ । तर सिस्टम नै त्यही भयो भने त सबैले स्विकार गर्नुको बिकल्प नै हुदैन ।
महिलाको सट्टा पुरुष गर्भवती हुन थाले भने ?
यो त प्रकृतिको नियाम हो, हामीले टार्न काहाँ सक्छौ र ? त्यस्तो अवस्था आयो भने पनि हामी तायार हुनुपर्छ ।
तपाइलाई देख्दा मानिस तर्सिन थाले भने ?
सबैलाई नतर्सिन आग्रह गर्छु । म पनि तपाईजस्तै मानिस नै हो भनेर सम्झाउछु ।
मोवाइलमा फोन आउदा पनि ब्यालेन्स काटिन थाल्यो भने ?
पहिला एक जमानामा त्यस्तो व्यवस्था थियो । कल गर्दामात्र नभइ आएको कल उठाउदा पनि २ रुपैया तिर्नुपथ्र्यो । तर त्यो धेरै समय सम्म रहेन । यदी त्यो अवस्था आयो भने आएको फोन पनि कुरा लम्याउन छाडेर छिटै काट्न तिरै ध्यान जान्थ्यो होला ।
तपाई कसैले पनि नदेख्ने अदृश्य बन्नुभयो भने ?
त्यस्तो भयो भने त धेरै राम्रो हो नि । म कहिले कल्पना पनि गर्ने गर्छु चाहेको समयमा बिलाउनु अनि चाहेको स्थानमा पुग्न सक्नु । यस्ता कुराहरु धेरैको कल्पनामा आउने कुराहरु हो जस्तो लाग्छ ।
भगवानले २ वटा वर माग भन्नुभयो भने ?
म पहिलो प्राथमिकतामा मेरो परिवार माग्छु । मलाई फेरी पनि तिनै आमा बुवा, त्यही परिवार अनि त्यही श्रिमती दिनुहोस् भनेर माग्छु ।
एक हप्ताका लागि नेपालको प्रधानमन्त्री बन्ने अवसर पाउनुभयो भने ?
म कायापलट गरेर देखाइदिन्थेँ । पहिलो कुरा, म अहिले भएका सबै नेतालाई खोरमा हाल्थेँ । सरकारले चाहाने हो भने यो सम्भव छ ।
रातमा पनि उज्यालो हुन थाल्यो भने ?
हाहा…दिनमा पनि रातमा पनि काम गर्न पाइन्थ्यो ।
कुरा काट्न पनि खुकुरी आवस्यक पर्न थाल्यो भने ?
खुकुरीको उत्पादनमा बृद्धि हुन्थ्यो होला । त्यो सँगै कुरा काट्नेहरुको कमी हुदै जान्थ्यो होला
Discussion about this post