मनोज दाहाल / नेपालमा कोरोनाको दोश्रो लहरका कारण सबैजसो क्षेत्र बन्दाबन्दीका मारमा छन् । महामारीको रुपमा फैलिएको कोरोनाका कारण दैनिक २०० भन्दा धेरैको मृत्यू भइरहेको अवस्थामा करिन १० हजार संक्रमित दैनिक थपिन थालेका छन् । सबै क्षेत्रलाई नराम्रोसँग असर गरेको यो भाइरसले कलाकारिता क्षेत्रमा पनि उत्तिकै हानी पुर्याएको छ । कतिपय कलाकार कोरोना नियन्त्रणका लागी भनेर सहयोगका लागी पनि अगाडी देखिएका छन् ।
अभिनेता निखिल उप्रेती, कलाकार केदार प्रसाद घिमिरे ‘माग्ने बुढा’, पाइलट तथा कलाकार विजय लामा लगायतले निःशुल्क अक्सिजन सहितको एम्बुलेन्स सेवाको व्यवस्था गरेका छन् भने अभिनेता पल शाहले अक्सिजनका सिलिन्डर संकलन अभियान सन्चालन गर्दै आएका छन् । उनले अक्सिजन सहितका सिलिन्डर संकलन र खरिद गरेर बिभिन्न अस्पतालहरुलाई निःशुल्क हस्तान्तरण गर्दै आएका छन् । अभिनेता शाहले आफ्नो नाममा फाउन्डेसन खडा गरेर समस्यामा परेका व्यक्तिहरुलाई सहयोग गर्दै आएका छन् । यसका लागि उनी आफैं फिल्डमा खटिएका छन् । उनले अक्सिजन खरिदका लागि हाम्रो टिम नेपाललाई २ लाख सहयोग समेत गरेका छन् ।
यस्तै अभिनेत्री श्वेता खड्का र उनका श्रीमान विजयन्द्र सिंह रावतले पनि हाम्रो टिम नेपाललाई निःशुल्क खाना वितरण र कोरोनाका बिरामीलाई निःशुल्क अक्सिजन जुटाउन ५० हजार रुपैया सहयोग गरे । हास्य कलाकार राजाराम पौडेलले पनि कोरोना संक्रमितका लागि अक्सिजन ग्यास उपलब्ध गराउन वैज्ञानिक महाविर पुनको संस्था राष्ट्रिय आविस्कार केन्द्रलाई अक्सिजन खरिदका लागि एक लाख सहयोग गरेका छन्।
नेपाली मनोरञ्जन क्षेत्रका केही कलाकारहरुले सहयोगी हात अघि बढाइरहदा केही कलाकारहरु भने कोरोना भाइरसको मारमा परेका छन् । पहिलो लहरमा पनि केही कलाकारहरुले कोरोना संक्रमणबाट ग्रसित बन्नु परेको थियो । वरिष्ठ हास्य कलाकार हरिवंश आचार्य दम्पतीलाइ पनि पहिलो लहरमै कोरोना संक्रमण पुष्ठि भएको थियो । अन्य धेरै कलाकारहरुलाई भने दोश्र्रो लहरको कोरोना संक्रमण पुष्ठि भएको छ । कोरोना संक्रमण पुष्ठि हुने कलाकारहरुमा वरिष्ठ हास्य कलाकार मदनकृष्ण श्रेष्ठ,हास्य कलाकार तथा निर्देशक शिवहरि पौडेल, कलाकार सरिता लामिछाने, उनका श्रीमान् निर्देशक ऋषि लामिछाने, निर्देशक तथा कलाकार दीपक आचार्य, अभिनेत्री वर्षा राउत, केकी अधिकारी,शिल्पा मास्के,गायक प्रकाश सपुत, कलाकार यमन श्रेष्ठ लगायतका कलाकर्मीहरु कोरोनाबाट संक्रमित बन्नु परेको छ । कोरोना संक्रमण पुष्ठि भएका कलाकारहरु मध्य गायक प्रकाश सपुत र अभिनेत्री केकी अधिकारी भने संक्रमण मूक्त भइसकेका छन् ।
वरिष्ठ हास्य कलाकार मदनकृष्ण श्रेष्ठ हाल उपचाररत छन् । कोरोना संक्रमित भएर ८ दिनसम्म अस्पतालमा उपचार गराएपछि उनी घर फर्किएका थिए । तर, श्वासप्रश्वासमा समस्या आएपछि मदनकृष्णलाई फेरि अस्पतालमा भर्ना गरिएको छ । हाल उनको अवस्था समान्य रहेको र नियमित कुराकानी भइरहेको मदनकृष्णका छोरा समेत रहेका कलाकार यमन श्रेष्ठले जानकारी दिएका छन् । केही दिन भित्रमा श्रेष्ठको डिस्चार्जको तयारी भइरहेको पनि बताइएको छ । निर्देशक तथा कलाकार दीपक आचार्य पनि कोरोना संक्रमित भएपछि घरमै आइसोलेसनमा छन् । उनको अवस्था पनि सामान्य रहेको छ ।
कलाकार तथा निर्देशक शिवहरि पौडेललाई नैकापस्थित एपीअफ अस्पतालमा भर्ना गरिएको छ । श्वासप्रश्वासमा समस्या आएपछि उनको भने अक्सिजनको सहारामा उपचार भैरहेको बताइएको छ। तर बिभिन्न सञ्चारमाध्यममा खवर आएजस्तो जटिल अवस्था भने नरहेको हास्यकलाकार किरण केसीले पुष्टि गरेका छन् । कलाकार सरिता लामिछाने, उनका श्रीमान् निर्देशक ऋषि लामिछाने घरमै आइसोलेसनमा छन् । उनिहरुको स्वस्थ्य अवस्थामा कुनै जटिलता नरहेको पाि बताइएको छ । यता अभिनेत्री वर्षा राउत र शिल्पा मास्के पनि समान्य अवस्थामा नै आइसोलेसनमा रहदै आएका छन् ।
Discussion about this post