विशेष अनलाइन । विगत लामो समयदेखि विद्यार्थीहरूको शिक्षाका साथै अतिरिक्त क्रियाकलापमा पनि चौतर्फी विकास गराउँदै आएको इष्ट वेष्ट पोइन्ट इङ्लिस स्कुलले नव प्रवेशी विद्यार्थीहरूलाई स्वागत गरेको छ । सुनसरीको इटहरी उपमहानगरपालिका स्थित तरहरामा अवस्थित इष्ट वेष्ट पोइन्ट इङ्लिस स्कुलले विभिन्न कार्यक्रम गर्दै नव प्रवेशी विद्यार्थीहरूलाई स्वागत गरेको हो ।
स्वागत कार्यक्रमलाई सम्बोधन गर्दै स्कुलका निर्देशक सूर्य बहादुर पाण्डेले लामो समयदेखि विद्यार्थीको सर्वाङ्गीण विकासमा विद्यालयले महत्त्वपूर्ण भूमिका खेल्दै आएको र आउने दिनमा अझै परिष्कृत गर्दै अघि बढ्ने उल्लेख गरे ।
विद्यार्थीका लागि पहिलो प्राथमिकता पठन पाठन भएको उल्लेख गर्दै स्कुलका प्रधानाध्यापक शङ्कर विष्टले पठनपाठन सँगै अतिरिक्त क्रियाकलापमा समेत स्कुल अग्रस्थानमा रहेको बताए ।
स्कुलका शिक्षा प्रमुख विवेक राईले विद्यार्थीहरूको क्षमता अध्ययन गरि आवस्यकता अनुसारको पठनपाठन गरिने बताए ।
कार्यक्रममा वार्षिक परीक्षामा उत्कृष्ट अङ्क ल्याउन सफल विद्यार्थीहरूलाई पुरस्कार वितरण गरिएको थियो । जसमा कक्षा ८ मा अध्ययनरत लभ कट्वाल विभुषित भए । यस्तै कक्षा ७ मा अध्ययनरत विद्यार्थी युनिका अधिकारी बर्षको सर्वोत्कृष्ट भइन् । खेलकुदमा कक्षा १० मा अध्ययनरत श्वेता राई विभूषित भइन्।
कार्यक्रम विद्यालयका शिक्षक टिकाराम भण्डारीले सञ्चालन गरेका थिए ।
Discussion about this post