विशेष अनलाइन । जेठ १० गतेबाट अलनेपाल प्रदर्शनको तयारीमा रहेको ‘फर्की फर्की’को शिर्ष गीत सार्वजनिक गरिएको छ । रोमन बज्राचार्य र निकिता थापाको स्वर रहेको यो गीतमा रोमन शब्द तथा संगीत छ । चलचित्रको ट्रेलरले दर्शकको उच्च साथ पाइरहेको समयमा यसको पहिलो गीत सार्वजनिक गरिएको हो ।
गीतको भिडियोमा किरण थापाको कोरियोग्राफी, विजेश पौडेलको सम्पादन छ । गीतमा मुख्य कलाकारहरु नायक अनमोल केसी र नायिका जसिता गुरुङलाई फिचरिङ गरिएको छ ।
सुयोग गुरुङको लेखन तथा निर्देशनमा तयार भएको यो चलचित्रमा रोहित अधिकारी र ओम प्रकाश अग्रवालको लगानी छ । चलचित्रमा मनोज ओली र रामु न्यौपाने सह–निर्माताको रुपमा छन् भने मोती कार्की र अनीरुद्र गिरी कार्यकारी निर्माताको रुपमा छन् ।
चलचित्र ‘फर्की फर्की’ मा अनमोल केसी र जसिता गुरुङ सँगै रवि काफ्ले, समृद्धि अर्याल, निर्मल शर्मा, कृष्ण मल्ल लगायतका कलाकारको अभिनय छ । चलचित्रलाई नरेन्द्र मैनालीले खिचेका हुन् भने सुरेन्द्र पौडेल यसका सम्पादक हुन् । रोमन बज्राचार्य र नरेन लिम्बु चलचित्रका संगीतकार हुन् । चलचित्रमा अष्ट महर्जनको एक्सन छ ।
चलचित्रको ट्रेलर सार्वजनिक भएसँगै यसले दर्शकको माया पाइरहेको छ । यसैले, जेठको १० गते बक्स अफिसमा चलचित्र ‘फर्की फर्की’ले बम्पर ओपनिङ गर्ने अपेक्षा गरिएको छ ।
Discussion about this post