बिशेष अनलाइन । मेन्याङ्वो कल्याणकारी संघ नेपालको १९ औ वार्षिक साधारण सभा तथा चासोक तङ्नाम कार्यक्रम २०७८ धरानमा सम्पन्न भएको छ । संस्थाका अध्यक्ष दिपक मेन्याङ्वोको अध्यक्षतामा सम्पन्न कार्यक्रममा पुर्व मन्त्री रामकुमार सुब्बाको प्रमुख आतिथ्यता रहेको थियो । सस्थाको नियम अनुसार बिहानको समयमा गाली श्राप पुजा अर्चना गरी कार्यक्रमको सुरुवात गरिएको थियो ।
कार्यक्रमलाई सम्बोधन गर्दै प्रमुख अतिथि पुर्व मन्त्री सुब्बाले वंशावली अहिलेको अवस्थामा महत्वपुर्ण भएको उल्लेख गर्दै वंश भित्रमा नै विवाहवारी भएको खण्डमा सन्तानमा अपांगताको समस्या देखिने, बिभिन्न मानसिक समस्याहरु देखिने बिषयहरुलाई बिज्ञानले नै प्रमाणित गरेको बताए । उनले वंश चिन्नु अपरिहार्य भएको बताएका थिए ।
सभामा संस्थाको प्रगति विवरण,आर्थिक वर्ष २०७७–०७८ को आर्थिक प्रतिवेदन,बिधान संसोधन,तेस्रो वंशावली प्रकाशन,पुर्ण परिमार्ज प्रतिवेदन लगायतका विषयमा छलफल हुनुका साथै अनुमोदन गरिएको संस्थाका वरिष्ठ उपाध्यक्ष नविन मेन्याङ्वोले जानकारी दिए ।
कार्यक्रममा किरात याक्थुङ चुम्लुङ प्रदेश १ का अध्यक्ष प्राध्यापक धुर्व कुमार मेन्याङ्वो, धरान उपमहानगरपालिकाका पुर्व प्रमुख मनोज कुमार मेन्याङ्वो लगायतको उपस्थिति रहेको थियो ।
Discussion about this post