बिशेष अनलाइन । निर्माता तथा कलाकार किशोर पङ्धाकले आफ्नो जन्मदिनको अवसरमा संजीवनी केन्द्रलाई खाद्यन्य तथा जिन्सी सहयोग हस्तान्तरण गरेका छन् । याक्थुङ सिङ्गक फाउन्डेसनको आयोजनामा धरान १३ अमरहाटमा रहेको संजीवनी केन्द्रलाई खाद्यन्य तथा जिन्सी सहयोग हस्तान्तरण गरिएको हो ।
आफ्नो जन्मदिनको अवसर पारेर निर्माता तथा कलाकार पङ्धाकले २५० केजी चामल ,२५ केजी दाल ,१ कार्टुन तेल ,१० पकेट नून ,१ बोरा आलु लगायतका खाद्यन्य तथा जिन्सी समान सहयोग गरेका हुन् । संजीवनी केन्द्र बिगत १० वर्ष देखि “हामी द्वारा हाम्रो लागि” स्लोगन लिएर सन्चालनमा आएको लागु औषध, रक्सी तथा पुर्नस्थापना केन्द्र हो ।
तेर्हथुम मेयङ्लुङ बजारमा घर भएका निर्माता तथा कलाकार पङ्धाक हाल युकेमा बसोवास गर्दै आएका छन् । देश भन्दा बाहिर बसोवास गर्दै आएको भए पनि उनले समय समयमा नपालका बिभिन्न स्थानहरुमा आर्थिक ुहयोग गर्नुका साथै सामाजिक कार्यमा पनि उत्तिकै कृयाशिल रहदै आएका छन् ।
निर्माता तथा कलाकार पङ्धाक लिम्बूले चलचित्र “घरजम” “थात्थलो” को निर्माण गर्नुका साथै उनले निर्माण गरेका उक्त चलचित्रहरुमा अभिनय समेत गरेका छन् ।
जीवनलाई सहि मार्गदर्शन तर्फ डोहोर्याउने सपना बोकेका करिव ४० जना उक्त केन्द्रमा आबद्द भएका छन् । आवद्ध धेरैको आर्थिक अवस्था समेत नाजुक भएका कारण उनीहरुको सम्पुर्ण आर्थिक भार केन्द्रले नै सम्हाल्दै आएको छ । सोही कुरालाई मध्यनजर गर्दै आफ्नो संस्थाको तर्फबाट सहयोग हस्तान्तरण गरिएको याक्थुङ सिङ्गक फाउन्डेसनकी अध्यक्ष मिना सिङ्गकले जानकारी दिइन् ।
Discussion about this post