थिरेन्द्र दाहालको रचनामा योगेन्द्रको ‘मेरो गीतमा`

बिशेष अनलाइन । चर्चित रियालिटी शो द भ्वाइस अफ नेपालबाट चर्चा कमाएका उदयमान गायक योगेन्द्र उपाध्यायको आवाजमा नयाँ गीत सार्वजनिक गरिएको छ।

‘मेरो गीतमा`बोलको उक्त गीतलाई थिरेन्द्र दाहालले लेखेका हुन् । गितको संगीत पनि गायक उपाध्यायले नै गरेका छन् । गीतको एरेञ्ज विश्व अधिकारीले गरेका हुन् । गितको भिडियोमा मनोरम दृश्यहरुको साथमा गितको शब्द प्रस्तुत गरिएको छ ।

गीतकार थिरेन्द्र दाहालको यसअघि द भ्वाइस अफ नेपाल का विजेता सिडी विजय अधिकारीले ´फर्केर हेरेँ´,´ चन्द्रमाले चाँदनी´ बोलको गीत सार्वजनिक भइसकेको छ। योगेन्द्र उपाध्यायको आवाजमा रहेको यो उनको दोस्रो गीत हो । यसअघि उपाध्यायकै स्वरमा´ यो तापमा´ बोलको गीत पनि सार्वजनिक भएको थियो।

उत्कृष्ट गीतहरु दिदै जाने योजनामा रहेका दाहाल नेपाल सरकारको अधिकृत स्तरका कर्मचारी हुन् । पेशाले उनी इन्जिनियर हुन् ।