इटहरी / नेपाली चलचित्र नगरीका स्टार अभिनेता अनमोल केसी बेला बेलामा बिभिन्न कारणले चर्चामा आउने गर्छन् । ए मेरो हजुर ४ को छायांकनमा व्यस्त अभिनेता केसीले पहिलो पटक एकै अभिनेत्री सँग दोहोर्याएर काम गरेका छन् ।
अभिनेता अनमोल केसीले अभिनेत्री सुहाना थापासँग दोस्रो पटक काम गरिरहेका छन् । यस अघि ए मेरो हजुर ३ मा पनि अभिनेता अनमोल र अभिनेत्री सुहानाको जोडीलाई दर्शकले निकै रुचाएका थिए ।
कतिपय दर्शकले त यो जोडीलाई रियल जोडीका रुपमा समेत चित्रण गर्ने गरेका छन् । दर्शकले उनिहरुलाई रियल जाडीका रुपमा हेर्न पाउछन् या पाउदैनन् यो त समयले बताउने छ ।
त्यसो त अभिनेता मनामोलका पिता भुवन केसीले पनि बिभिन्न समयमा यदि अनमोल र सुहानाले चाहे आफु सुहानालाई बुहारीका रुपमा स्विकार गर्न तयार रहेको बताउने गरेका छन् । भनिन्छ जोडी भगवानले नै जुराएर पठाएका हुन्छन् ।
Discussion about this post