विशेष अनलाइन । विमलेश अधिकारीले निर्देशन गरेको वेब सिरिज ‘घर बट इन अमेरिका’ को टिजर सार्वजानिक भएको छ । अभिनेत्री अरुणिमा लम्साल अभिनित वेब सिरिजको टिजर युट्युब मार्फत सार्वजानिक भएको हो । अरुणिमा सिरिज मार्फतद शकपछि अभिनयमा फर्किएकि छिन् ।
सिरिजको टिजरले श्रृंखलाको कथावस्तुलाइ प्रस्तुत गरेको छ । वेब सिरिजमा हालै मात्र अमेरिकामा किनेको नयाँ घरमा प्रेमीसँग लिभ इन टुगेदरमा बस्दै आएकी छोरीका बाबुआमा नेपालबाट त्यहाँ पुग्दा आउने रोमाञ्चक उतारचढावको कथावस्तु रहेको छ ।
निर्देशक अधिकारीले अमेरिकामा बसोबास गर्दै आएको नेपाली समुदायको वास्तविक कथालाई आफूले सिरिजमा चित्रण गरेको बताएका छन् । श्रृंखलाको शीर्ष भूमिकामा अरुणिमा र विमलेश सहित राधा लम्साल, खेम शर्मा, आशिष दाहाल र रोजिना थापाको अभिनय रहेको छ ।
श्रृंखलाको सबै छायांकन अमेरिकामा गरिएको हो । पटकथा तथा संवाद विवेक चौलागाईंले लेखेका हुन् । निर्माण सेभेन कलर्स डिजिटलले गरेको छ । सिरिजको पहिलो सिजनको केही भागको छायांकन सकेर टिजर सार्वजनिक गरिएको जनाइएको छ । टिजरमा स्ट्रिमिङ सुरु हुने मिति र प्लाटफर्मको भने जानकारी दिइएको छैन । निर्देशक अधिकारीले छिट्टै स्ट्रिमिङ प्लाटफर्मको टुंगो लगाइने जानकारी दिएका छन् ।
Discussion about this post