विशेष अनलाइन । पछिल्लो समय अभिव्यक्तिका कारण विवादमा आएकी अभिनेत्री सुरक्षा पन्तले सामाजिक सञ्जालमार्फत आफूलाई विरोध गर्नेहरूप्रति व्यङ्ग्यात्मक शैलीमा जवाफ दिएकी छन्। उनले लेखेकी छन्:
“मेरो रजस्वला भैरहेको छ। मलाई अहिले छुन नआउनु!
पहिलो दिन अलि विचार हुन्छ,
दोस्रो दिन अलि बढी बहिष्कार हुन्छ,
तेस्रो दिन अनौठो किसिमको प्रहार हुन्छ,
चौथो दिन लगभग नमस्कार भनेको त,
पाँचौं दिनमा तुच्छ! तुच्छ! आकार।
संस्कार नहुँदासम्म, मलाई छुन नआउनु।”
यो लेखाइ उनले आफूमाथि भइरहेको अनावश्यक बहिष्कार र गालीगलौजप्रति व्यङ्ग्य गर्दै गरेको स्पष्ट देखिन्छ। रजस्वलाको बहानामा उनले विरोध गर्नेहरूको व्यवहारको नक्कल गर्दै सामाजिक ढोंग र दोहोरो चरित्रप्रति व्यंग्य प्रहार गरेकी छन्।
सुरक्षा हालै एक अन्तर्वार्तामा पुर्वराजा परिवारसम्बन्धी अभिव्यक्तिका कारण विवादमा तानिएकी थिइन्। त्यसपछि उनीमाथि सामाजिक सञ्जालमा व्यापक आलोचना मात्र नभई, उनी अभिनित चलचित्रहरू बहिष्कार गर्ने अभियानसमेत सुरु भएको छ। टिकटक, फेसबुक र ट्विटरमा ‘Boycott’ अभियान चर्किएको छ।
कतिपयले उनको अभिव्यक्तिलाई साहसिक भन्दै समर्थन गरे पनि, धेरैले उनको विचारलाई ‘अहंकार’ र ‘असंयमित अभिव्यक्ति’ भनेर आलोचना गरेका छन्। यही आलोचनालाई लक्षित गर्दै उनले आफ्नो पिडा र प्रतिक्रिया ‘रजस्वला’ जस्तै चरणबद्ध बहिष्कार, प्रहार र घृणासम्म पुगेको बताउँदै परिहास गरेकी हुन्।
यसैबीच, चलचित्र क्षेत्रका केही व्यक्तिहरूले सुरक्षाको स्वतन्त्रता र अभिव्यक्तिको अधिकारको समर्थन गरेका छन् भने केहीले कलाकारहरूले अभिव्यक्तिमा मर्यादा राख्नुपर्ने सुझाव दिएका छन्।
सामाजिक सञ्जालमा विरोध मात्र होइन, समर्थनको स्वर पनि उठिरहेको छ। धेरै समर्थकहरूले सुरक्षा पन्तको यो व्यङ्ग्यात्मक प्रस्तुतीलाई ‘क्रिएटिभ प्रतिकार’को उदाहरण मानेका छन्।
Discussion about this post