विशेष अनलाइन । नेपाल चलचित्र निर्देशक समाजले आफ्नो स्थापनाको २५ औं वार्षिकोत्सवको अवसरमा ‘रजत जयन्ती सम्मान समारोह २०८१’ आयोजना गर्ने भएको छ। चलचित्रकर्मीहरुको योगदानलाई सम्मान गर्ने उद्देश्यसहित आगामी २०७८ चैत्र २२ गते, शुक्रबार बिहान १०:३० बजेदेखी चाबहिलस्थित चलचित्र विकास बोर्डको सभाहलमा विशेष कार्यक्रम आयोजना गरिँदैछ।
समाजका अध्यक्ष जनकदिप पराजुली का अनुसार, “नेपाल चलचित्र निर्देशक समाजको २५ वर्षे यात्रा संघर्ष, सिर्जनशीलता, र सफलता मिसिएको इतिहास हो। यो अवसरमा हामीले नेपाली चलचित्रमा अतुलनीय योगदान दिनुभएका व्यक्तित्वहरूलाई सम्मान गर्दैछौं। हाम्रो लक्ष्य निर्देशकहरूको हकहितको संरक्षण गर्दै नेपाली चलचित्रलाई अन्तर्राष्ट्रिय स्तरमा स्थापित गर्नु हो।”
महासचिव अरुण कुमार प्रधानले भने, “यो विशेष समारोह केवल एक कार्यक्रम मात्र होइन, नेपाली चलचित्र निर्देशकहरूको पहिचान, परिश्रम र उपलब्धिलाई स्मरण गर्ने महत्वपूर्ण क्षण हो। नेपाली चलचित्र क्षेत्रलाई अझ उचाइमा पुर्याउने हाम्रो जिम्मेवारी हो, र यस कार्यक्रममा निर्देशक समाजका सबै सदस्यहरूको संलग्नता रहनेछ।”
यस कार्यक्रममा वरिष्ठ निर्देशक, कलाकार, प्राविधिक, निर्माता तथा चलचित्रकर्मीहरू सहभागी हुनेछन्। चलचित्र क्षेत्रमा योगदान पुर्याएका व्यक्तित्वहरूलाई विशेष सम्मान पनि प्रदान गरिनेछ। आयोजकका अनुसार, कार्यक्रमलाई भव्य र स्मरणीय बनाउन व्यापक तयारी भइरहेको छ।
Discussion about this post