विशेष अनलाइन । सजन काफ्ले र आकाश बरालको लेखन तथा निर्देशन गरेको चलचित्र ‘बेहुली फ्रम मेघौली’को अमेरिकामा प्रदर्शन हुने भएको छ । चलचित्रको अमेरिका प्रदर्शन अधिकार नेपसिने, हिमालीफाई, खड्का ग्रुप, नेपाल इन्टरटेनमेन्ट र ब्लुम एण्ड कम्पनीले लिएको हो ।
अभिनेता निश्चल बस्नेत र अभिनेत्री स्वस्तिमा खड्काको मुख्य भूमिका रहेको चलचित्र दसैँको घटस्थापनाबाटै अमेरिकाको डलास, बोस्टन, न्युयोर्क र सान फ्रान्सिस्को लगायतका सहरमा प्रदर्शन हुनेछ । चलचित्रको अस्ट्रेलिया, युरोप र मध्यपूर्वका देशहरूमा प्रदर्शन अधिकारका लागि कुरा भइरहेको निर्माण युनिटले जनाएको छ ।
चलचित्रमा निश्चल र स्वस्तिमा सहित वसुन्धरा भुसाल, विजय बराल, सिमरन खड्का, लोकेन्द्र लेखक, रक्षा थापा, सिरु विष्ट, आमिर गौतम, शिशिर शिवाकोटी, टीका पहारी, प्रभाकर शर्मा, लुनिभा तुलाधर, मुकुन्द मैनाली र रामबाबु रेग्मी लगायत कलाकारहरुकोको अभिनय रहेको छ । चलचित्रको निर्माण स्वस्तिमा र निश्चलले मिलेर गरेका हुन् । चलचित्रको कार्यकारी निर्माता फिरोज खड्का र शंकर पाण्डे रहेका छन् ।
चलचित्रमा नरेन्द्र मैनालीको छायाङ्कन, प्रदीप लामा र केवीका खत्रीको कोरियोग्रफी रहेको छ । ब्ल्याक हर्स पिक्चर्स र मेघौली फिल्मसको ब्यानरमा निर्माण भएको चलचित्रमा जयन जे वाइवा र कुशल पोखरेलको संगीत, निमेष श्रेष्ठको सम्पादन रहेको छ । चलचित्रलाई एप्पल इन्टरटेनमेन्ट र डीसीएनले वितरण गर्दैछन् ।
Discussion about this post