विशेष अनलाइन । दिवाकर भट्टराईको निर्देशन रहने चलचित्र ‘नरसिंहाः अवतार’ को शुभ मुहूर्त गरिएको छ । बिहीबार काठमाडौँको एनएफडिसि स्टुडियो बालाजुमा चलचित्रको मुहूर्त गरिएको हो । शुभ मुहूर्तमा चलचित्रका मुख्य कलाकारहरू राजेश हमाल, राज कटुवाल, नीति शाह, सनिशा भट्टराई र अर्जुन श्रेष्ठ र प्राविधिकको उपस्थिति थियो ।
एक्सन तथा सोसल ड्रामामा निर्माण हुने यो चलचित्रको शुभ मुहूर्तमा चलचित्र संघका अध्यक्ष नरेन्द्र महर्जनले क्ल्याप हानेका थिए । कार्यक्रममा वितरक करण श्रेष्ठले मुहूर्त सटको निर्देशन गरेका थिए । यसै चलचित्र बाट माहा नायक राजेश ८ वर्षपछि चलचित्रमा कमब्याक गर्दैछन् ।
आगामी फागुन १४ गते शिवरात्रिलाई प्रदर्शन मिति घोषणा गरेको चलचित्रमा राजेश हमाल, राज कटुवाल , नीति शाह, सरोज खनाल, सनिशा भट्टराई, दीपा शाही, प्रशान्त ताम्राकार, नीर शाह, रमेश चन्द सोडारी, प्रकाश कुँवर लगायतका कलाकारहरुको अभिनय रहने छ ।
क्रिएटिभ सिने आर्टको प्रस्तुति रहने चलचित्रका द्वन्द निर्देशक चन्द्र पन्त हुन् । चलचित्रलाई निर्माता नरेन्द्र महर्जन, पशुराम बस्नेत र ध्रुव न्यौपानेले संयुक्त रूपमा निर्माण गर्दैछन् । चलचित्रको एप्पल इन्टरटेन्मेन्ट, एफडी कम्पनी र रिच इन्टरटेन्मेन्टले संयुक्त रूपमा वितरण गर्नेछ ।
Discussion about this post