विशेष अनलाइन । राजन भुसालको निर्देशनमा बनेको चलचित्र ‘एक्टर’को पोस्टर सार्वजनिक भएको छ । बिहीबार सार्वजनिक गरिएको पोस्टरमा चलचित्रका मुख्य पात्र अभिनेता प्रदीप खड्का क्यारेक्टर लुक्समा देखिएका छन् । चलचित्रको पोस्टरमा उनि घाइते स्वरुपमा छन् ।
चलचित्रले नेपाली चलचित्र उद्योगमा स्थापित हुन नवआगन्तुक कलाकारले गर्ने संघर्षको कथा बोलेको निर्देशक भुसालले बताउछन् ।
कात्तिक १५ गते बाट प्रदर्शन मा आउन लागेको चलचित्र रिलिजमा दिव्या रायमाझी, आना शर्मा, राजबल्लभ कोइराला, दिव्य देव, सुशील सिटौला लगाय त कलाकारहरुको अभिनयरहने छ । प्रदीपले पहिलो पटक चलचित्रको पर्दामा आना र दिव्यासँग सहकार्य गर्न लागेका हुन् ।
चलचित्रलाई अदृत फिल्म्स र मोती फिल्म्सले निर्माण गरेको हो । पटकथा आकाश बराल र राजन स्वयंले लेखेका छन् ।यस चलचित्रलाई नरेन्द्र मैनालीले छयाङ्कन गरेका छन् । यो चलचित्रलाइ एप्पल इन्टरटेनमेन्ट र डीसीएनले वितरण गर्दैछ ।
Discussion about this post