विशेष अनलाइन । ‘याक्थुङ चलचित्रकर्मी संघ नेपाल’ केन्द्रीय कार्यसमिति धरानले आयोजना गरेको ‘फिल्म मेकिङ तथा एक्टिङ वर्कसप’एक कार्यक्रमको आयोजना गर्दै समापन गरेको छ । धरान उपमहानगरपालिका वडा नम्बर १५ का वडा अध्यक्ष नरेश इवारमको प्रमुख आतिथ्यतामा शनिबार धरानको बगरकोटमा रहेको मेन्याङ्बो कल्याणकारीको सभाहलमा एक कार्यक्रमको आयोजना गर्दै वर्कसपको समापन गरिएको हो । चैत्र ११ गतेबाट सुरु गरिएको वर्कसप आज चैत्र १७ गतेसम्म आयोजना भएको थियो ।
वर्कसपमा चलचित्र निर्माण गर्दा आवस्यक पर्ने कथा पटकथा तथा स्कृप्ट लेखन, निर्देशन, छायांकन तथा अभिनय गर्दा के के कुराहरुमा ध्यान दिनुपर्छ भन्ने सिकाईएको आयोजक संस्था ‘याक्थुङ चलचित्रकर्मी संघ नेपाल’का केन्द्रिय अध्यक्ष नवीन मेन्याङ्बोले जानकारी गराए ।
३५ जना सहभागी वर्कसपको प्रशिक्षण मुन्धुमविद्द तथा कलाकार याशेली योङ्हाङ, कलाकार तथा निर्देशक प्रेम सुब्बा, अनाम रंगमञ्च धरानका अध्यक्ष तथा निर्देशक बिजय सुब्बा र कलाकार तथा निर्माता, यक्थुङ चलचित्रकर्मी संघका केन्द्रिय अध्यक्ष नबिन मेन्याङ्बोले गरेका थिए ।
कार्यक्रमका प्रमुख अतिथि एवम धरान उपमहानगरपालिका वडा नम्बर १५ का वडाध्यक्ष नरेश इवारमले आफ्रनो वडामा हुने चलचित्र गतिविधिहरुमा सधै सकारात्मक रहेको उल्लेख गरे । स्थानिय तह सधै कला र संस्कृतिको उत्थानको पक्षमा रहेको वडाध्यक्ष इवारमको भनाई थियो ।
फिल्म मेकिङ तथा एक्टिङ वर्कसपले नयाँ पुस्ताहरुलाई फिल्म मेकिङका बारेमा धेरै कुराहरु प्रष्ट बुझाउने उदेश्यले प्रशिक्षण कार्यक्रम गरेको र अझै यस्तो धेरै कार्यक्रमहरु गर्ने योजना रहेको आयोजक संस्था याक्थुङ चलचित्रकर्मी संघ नेपालका अध्यक्ष नवीन मेन्याङवोले बताए ।
Discussion about this post