बिशेष अनलाइन । फ्राइडे रिलिज अन्तर्गत चलचित्र महाजात्रा प्रदर्शनमा आएको छ । ‘महाजात्रा’लाई देशभरका चलचित्र घरहरूले उच्च सोज दिएका छन् । देशभरका मल्टिप्लेक्स तथा सिङ्गल हलहरूमा चलचित्रलाई उच्च सोज दिइएको हो । चलचित्र प्रदर्शन पछि सोज बढ्न सक्ने अनुमान गरिएको छ । काठमाण्डौका केही चलचित्र घरहरूमा केही सोज ‘सोल्डआउट’ समेत भएका छन् ।
आइतबार काठमाडौँसहित पहाडी जिल्ला र सोमबार तराई क्षेत्रमा होलीको सार्वजनिक बिदा भएका कारण पनि चलचित्रको सोज बढ्न सक्ने अनुमान गरिएको छ ।
चलचित्र ‘जात्रा’ र ‘जात्रै जात्रा’को व्यावसायिक सफलता पश्चात् षट्कोण आर्ट्सको निर्माणमा तेस्रो शृङ्खलाका रूपमा चलचित्र ‘महाजात्रा’ निर्माण गरिएको हो ।
नेपालमा आजबाट प्रदर्शनमा आएको चलचित्र ‘महाजात्रा’ अन्य ४० मुलुकमा रिलिज हुने तय भइसको छ । अमेरिका, इङ्ल्याण्ड, स्कटल्यान्ड, वेल्स, डेनमार्क, पोर्चुगल, माल्टा, आयरल्यान्ड, स्पेन, नर्वे, क्रोएसिया, बेल्जियम, लक्जेम्बर्ग, साइप्रस, पोल्यान्ड, जर्मनी, स्विडेन, फिनल्यान्ड, रोमानिया, चेक रिपब्लिक, नेदरल्याण्ड्स, अष्ट्रिया, फ्रान्स लगायतका राष्ट्रहरूमा चलचित्र ‘महाजात्रा’ हेर्न सकिने बताइएको छ ।
प्रदीप भट्टराईको निर्देशनमा बनेको चलचित्रमा हरिवंश आचार्य, विपिन कार्की, रवीन्द्र सिंह बानियाँ, रवीन्द्र झा, वर्षा राउत, दिव्य देव, राजाराम पौडेल, शिशिर वाङ्गदेल, प्रकाश घिमिरे, अर्जुनजंग शाही, मोहन निरौला लगायतको अभिनय छ ।
चलचित्रमा म्याक्स दीपेश खत्री र यज्ञश्वर पौडेलको लगानी छ । चलचित्रका कार्यकारी निर्माता रवीन्द्र सिंह बानियाँ हुन् । जितबहादुर रूवाली चलचित्रका एसोसियट निर्देशक हुन् । पुरुषोत्तम प्रधानको छायांकन रहेको चलचित्रमा कुमार महर्जनको द्वन्द्व निर्देशन, कविराज गहतराजको नृत्य निर्देशन, आशिष अविरलको संगीत, शमशेर लामाको शृंगार रहेको छ । चलचित्रको प्रोडक्सन डिजाइनर रूपकप्रताप अधिकारी हुन् ।
Discussion about this post