प्रिमियरमा रुचाइयो ‘महाजात्रा’

विशेष अनलाइन । प्रिमियरमा नेपाली चलचित्र ‘महाजात्रा’लाई रुचाइएको छ । चलचित्र हेरेका अधिकांसले चलचित्रको खुलेर तारिफ गरेका छन् । आउदो शुक्रबार अर्थात चैत्र ९ गते देखि नेपाल सहित विभिन्न देशहरुमा एकैसाथ प्रदर्शनमा आउन लागेको चलचित्र ‘महाजात्रा’को प्रिमियर काठमाडौंको सिभिल मलमा अवस्थित क्यूएफएक्समा गरिएको थियो ।

प्रिमियरमा चलचित्रका मुख्य कलाकारहरू हरिवंश आचार्य, विपिन कार्की, रविन्द्र झा, रविन्द्र सिंह बानियाँ, दिव्य देव, राजाराम पौडेल, शिशिर वाङ्देल लगायतको उपस्थिति रहेको थियो ।

चलचित्र हेर्न कलाकारहरू मदनकृष्ण श्रेष्ठ, सन्तोष पन्त, किरण केसी,दीपाश्री निरौला, जितु नेपाल, निर्मल शर्मा, दिवाकर भट्टराई, दयाहाङ राई, ऋचा शर्मा, केकी अधिकारी , निशा अधिकारी, सुशील श्रेष्ठ, रामबाबु गुरुङ, पूर्णेन्दु झा, सौरभ चौधरी, गजित विष्ट, गायक प्रकाश सपूत,अरुण क्षेत्री, आश्मा विश्वकर्मा लगायत हल पुगेका थिए ।

चलचित्र ‘जात्रा’ र ‘जात्रै जात्रा’को व्यावसायिक सफलता पश्चात षट्कोण आर्ट्सको निर्माणमा तेस्रो शृङ्खलाका रुपमा चलचित्र ‘महाजात्रा’ निर्माण गरिएको हो ।

प्रदीप भट्टराईको निर्देशनमा तयार भएको चलचित्रमा म्याक्स दीपेश खत्री र यज्ञश्वर पौडेलको लगानी छ । चलचित्रका कार्यकारी निर्माता रविन्द्र सिंह बानियाँ हुन् । जितबहादुर रूवाली चलचित्रका एसोसियट निर्देशक हुन् । पुरुषोत्तम प्रधानको छायांकन रहेको चलचित्रमा कुमार महर्जनको द्वन्द्व निर्देशन, कविराज गहतराजको नृत्य निर्देशन, आशिष अविरलको संगीत, शमशेर लामाको शृंगार रहेको छ । चलचित्रको प्रोडक्सन डिजाइनर रूपकप्रताप अधिकारी हुन् ।