विशेष अनलाइन । दर्शकबाट धेरै लामो भयो भन्ने प्रतिक्रिया मिलेपछि शुक्रबारदेखि प्रदर्शनमा आएको चलचित्र ‘रङ्गेली’को समय घटाइएको छ । २१ मिनेट समय घटाएर पुन प्रदर्शनमा ल्याइएको चलचित्रका निर्देशक अर्जुन सुबेदीले जानकारी दिए ।
निर्देशक सुवेदीले दर्शकको चाहनाअनुरुप नै चलचित्रको लम्बाई घटाएको बताए । यस अघि पनि चलचित्र लामो भएको प्रतिकृया धेरैले दिएपछि सुवेदीले ५ मिनेट छोट्याएर दर्शकमाझ प्रस्तुत गरेका थिए । त्यस अघि चलचित्र २ घण्टा ५५ मिनेटको थियो । अब भने चलचित्र ‘रङ्गेली’ २ घण्टा ३० मिनेट लम्बाइमा प्रदर्शन हुनेछ ।
हाल चलचित्रले सकारात्मक प्रतिकृया पाइरहेको छ । ‘रङ्गेली’मा दयाहाङ राई, मिरुना मगर, अर्पण थापा, प्रवीण खतिवडा, रमेश बुढाथोकी, रुपेश झा, सुन्दर धिताल लगायतको प्रमुख भूमिका छ । अभिनेता दयाहाङ राईलाई एकै प्रकारका चरित्रमा देखिरहेको समयमा यो चलचित्रमा फरक भूमिकामा पाउँदा दर्शकले तारिफ गरेका छन् ।
चलचित्रको क्लाइमेक्समा आउने अभिनेता आर्यन सिग्देलको दमदार लुक्स र अभिनयको तारिफ भइरहेको छ । चलचित्रको कार्यकारी निर्माताहरू जीतेन्द्र खतिवडा र अनुज जङ्ग थापा हुन् भने निर्माताहरू संसार चौलागाईं र रमेश भट्टराई वशिष्ठ हुन् । चलचित्रको छायांकन सुशन प्रजापतिले गरेका हुन् ।
Discussion about this post