बिशेष अनलाइन । नेपाली चलचित्र नगरीमा एकले अर्काको खुट्टा तान्नु नौलो कुरा हैन । अस्वस्थ प्रतिस्पर्धाले थलिएको चलचित्र नगरीमा पुन सोही अवस्था दोहोरिन थालेको छ । हुन त प्रतिसोध साध्न कै लागि पनि करोडौको जुवा खेल्न पछि पर्दैनन् नेपाली चलचित्रकर्मीहरु ।
फागुन १९ गते चलचित्र ‘छक्कापञ्जा ४’ प्रदर्शनमा आउने पक्का भइसकेको थियो । हाल सम्मका चलचित्रहरुलाई हेर्दा दीपक दीपाले निर्माण गरेको चलचित्रले असफलताको स्वाद चाख्नुपरेको छैन । अफ्नै अघिल्लो चलचित्रले बनाएको रेकर्ड पछिल्लो चलचित्रले तोड्न सफल भएका उदाहरणहरु प्रसस्तै छन् । तर, चलचित्र ‘छक्कापञ्जा ४’को पुर्व निर्धारित मितिमा अब अर्को अपेक्षित चलचित्र पनि प्रदर्शनमा आउने भएको छ ।
अनमोल केसी स्टारर चलचित्र ‘छड्के २’ले पनि आफ्नो प्रदर्शन मिति फागुन १९ गतेलाई तोकेको हो । ‘छड्के २’निर्माताले पोस्टरसहित रिलिज मिति सार्वजनिक गरेका हुन् । हुन त फागुन १९ मै शर्मिला पाण्डेको चलचित्र ‘परस्त्री’ रिलिज हुने चर्चा समेत चलेको थियो । तर, ‘परस्त्री’ निर्माण युनिटले हालसम्म औपचारिक रुपमा प्रदर्शन मिति सार्वजनिक गरेको छैन ।
चलचित्रका निर्देशक तथा लेखक निगम श्रेष्ठले त्यस मितिमा कुन चलचित्र प्रदर्शनमा आउदै छ भन्दा पनि आफ्नो चलचित्रका लागि कुन मिति उपयुक्त हुन्छ भन्ने यकिन गरेर फागुन १९ लाई प्रदर्शन मिति तय गरिएको बताएका छन । यता छक्कापञ्जा ४ का निर्माता तथा अभिनेता दीपकराज गिरीले पनि आफ्नो चलचित्र निर्धारित मितिमै आउने बताएका छन् ।
दुइ चलचित्रहरुको अडानलाई हेर्दा दीपकराज गिरी र अनमोल केसीको भिडन्त लगभग पक्का जस्तै देखिएको छ । झट्ट हेर्दा जुंगाको लाडाइ जस्तो देखिएको यो प्रतिस्पर्धाले कसलाई फाइदा हुने हो हेर्न फागुन १९ पर्खिनुको बिकल्प छैन ।
Discussion about this post