दयाहाङ र प्रकृतिको ‘बिहे पास’ नयाँ वर्षमा

बिशेष अनलाइन । पुर्वका बिभिन्न स्थानमा छायांकन गरिएको चलचित्र ‘बिहे पास’ २०८० को वैशाखमा प्रदर्शनमा आउने भएको छ । नयाँ वर्षलाई मध्यनजर गर्दै वैशाखमा चलचित्र प्रदर्शन गर्ने तयारी रहेको निर्माण युनिटले जनाएको छा ।

चलचित्रको प्राविधिक काम भइरहेको बताइएको छ । केही दिन भित्रमा चलचित्रको फस्टलुक सार्वजनिक गर्ने र सोही दिन प्रदर्शन मिति घोषणा गर्ने निर्माण युनिटको तयारी छ । प्रवेश पौडेल निर्देशित चलचित्र ‘बिहे पास’मा दयाहाङ राई र प्रकृति श्रेष्ठ मुख्य भूमिकामा छ । प्रबेशले यसअघि ‘अमेरिका बोइज’ निर्देशन गरेका थिए । यस चलचित्रमा दयाहाङ र प्रकृति श्रीमान् श्रीमतीको भूमिकामा छन् ।

प्रकृति करिव ७ वर्षपछि चलचित्रमा कमब्याक भएकी हुन् । उनले यस अगाडि कुमार भट्टराई निर्देशित चलचित्र ‘उत्सव’ अभिनय गरेकी थिइन् । अभिनेत्री श्रेष्ठले चलचित्र ‘होस्टेल’बाट नेपाली चलचित्र नगरीमा डेब्यु गरेकी हुन् ।

आरआर फिल्म प्रोडक्शनको ब्यानरमा निर्माण भएको चलचित्र ‘बिहे पास’को कथा आकाश बराल, सजन काफ्ले र मर्रे केरले लेखेका ह्न् । चलचित्रका कार्यकारी निर्माता रत्न श्रेष्ठ हुन् भने सह–निर्माता ग्याल्जेन लामा हुन्।