नेपाली दर्शकले ‘प्रेमगीत ३’ हिन्दी भाषामा हेर्न पाउने

बिशेष अनलाइन । अन्तत नेपालमा ‘प्रेमगीत ३’ हिन्दी भाषामा पनि प्रदर्शनमा आउने भएको छ । ‘प्रेमगीत ३’ युनिटले १५ प्रतिशत विकाश शुल्क तिरेपछि चलचित्र विकास बोर्डले ‘प्रेमगीत ३’ हिन्दीलाई सेन्सर अनुमति दिएको हो । निर्माता चक्र बहादुर चन्द तथा वितरकद्धय मनोज राठी र गोविन्द शाहीले अध्यक्ष भुवन केसीलाई भेटेर विकास शुल्क बुझाएपछि सेन्सर अनुमति पाएको बताइएको छ । सुरुवातमा चलचित्र बिकास बोर्डले चलचित्र प्रेम गीत ३ को हिन्दी संस्करण प्रदर्शनमा १५ प्रतिशत कर लाग्ने उल्लेख गरेपछि बिवाद सुरु भएको थियो । निर्माता सन्तोष सेनले आफु ५० प्रतिशत पनि कर तिर्न तयार भएको तर चलचित्र ‘प्रेमगीत ३’ को जुनसुकै भाषाको संस्करणलाई पनि नेपाली चलचित्रको दर्जा दिइनु पर्ने उल्लेख गरेका थिए ।

अधिकांस चलचित्रकर्मीले चलचित्र बिकास बोर्डको उक्त निर्णयको आलोचना गरेका थिए भने सिमित चलचित्रकर्मीले उक्त कदमलाई सही भनेका थिए । नेपाल चलचित्रकर्मी महासंघ प्रदेश नम्बर १ ले पनि चलचित्र बिकास बोर्डको उक्त कदमको बिरोध गरेको गरेको थियो । कतिपय चलचित्रकर्मीले नेपालमा नेपाली भाषाको चलचित्र मात्रै प्रदर्शनमा ल्याउने पर्ने बताएका थिए ।

अन्तत नेपाली दर्शकले आफ्नो रोजाइमा चलचित्र ‘प्रेमगीत ३’ हेर्न पाउने भएका छन् । पहिलो पटक नेपाली चलचित्र हिन्दीमा भाषामा डब भएर नेपाल तथा भारत दुबै देशमा एकैसाथ प्रदर्शनमा आउन लागेका कारणले पनि यो चलचित्र प्रति सर्वाधिक दर्शकको चासो छ ।

चलचित्र बिकास बोर्डको बिधानलाई हेर्ने हो भने कुनै पनि विदेशी भाषाका चलचित्र नेपालमा प्रदर्शन गर्दा आम्दानीको १५ प्रतिशत विकास शुल्क बोर्डलाई तिर्नुपर्ने उल्लेख गरिएको छ । सोही अनुरुप ‘प्रेमगीत ३’को हिन्दी डबलाई नेपाल ल्याउँदा विकास शुल्क तिर्नुपर्ने चलचित्र विकास बोर्डले बताएको थियो । तर निर्माण युनिटले भने नेपाली चलचित्र नै भएका कारण उक्त विकास शुल्कमा छुट हुनुपर्ने माग राख्दै आएको थियो ।

२०० सय बर्षअघिको प्रेम काहानी प्रस्तुत गरिएको चलचित्रलाई स्वर्गिय छेतन गुरुङ् र सन्तोष सेनले संयुक्त रुपमा निर्देशन गरेका छन् । सन्तोष सेन निर्माता रहेको चलचित्रको सह निर्माता कुमार सान शाह र ओएसआर डिजिटल छन् । चलचित्रको कार्यकारी निर्माता चक्र बहादुर चन्द र मिलन सेन रहेका छन । चलचित्रमा प्रदिप खड्का, नव नायिका कृष्टिना गुरुङ, सुनिल थापा, शिव श्रेष्ठ, संतोष सेन, माओत्से गुरुङग, प्रेम पुरी, नवनायक मनिष रावत, अनुभव रेग्मी, सुजल बस्नेत, सम्बृद्धि शाही ठकुरी, योगीसा खत्री, लक्ष्मी बर्देवा, क्रिजल गौतम लगायतका कलाकारको मुख्य भूमिका रहेको छ ।

https://www.youtube.com/watch?v=9KVdzyllESA