विशेष अनलाइन । सौरभ चौधरीले लेखन तथा निर्देशन गरेको चलचित्र ‘अगस्त्य’ शुक्रबारदेखि ओटीटी प्लाटफर्ममा रिलिज हुने भएको छ । हलमा प्रदर्शन भइसकेको सौगात मल्ल स्टारर एक्सन चलचित्र ‘अगस्त्यलाई एमएसएम भिडियोले स्ट्रिमिङ गर्न लागेको हो ।
सामाजिक सञ्जाल फेसबुकमार्फत उक्त ओटीटी प्लाटफर्मले चलचित्र आउने जनाएको छ । एमएसएम मार्फत यो चलचित्र हेर्न ‘डेली’ र ‘विक्ली’मध्ये कुनै एक सब्सक्रिप्सन योजना छान्नुपर्छ । डेली प्लानको ४।९७ डलर र विक्ली प्लानको ७ डलर शुल्क तोकिएको छ ।
कार्डबाहेक खल्ती वा ई-सेवाबाट शुल्क तिर्न ‘मोर पेमेन्ट अप्सन’मा जान सकिन्छ । जसमा डेली प्लानको शुल्क २९८ नेपाली रुपैयाँ र विक्ली प्लानको ४२० नेपाली रुपैयाँ शुल्क तोकिएको छ । यो प्लाटफर्मले बेहुली फ्रम मेघौली, दिमाग खराब, महाजात्रा र घरज्वाइँ रिलिज गरिसकेको छ ।
Discussion about this post