बिशेष अनलाइन । अन्तत बिवाद र चर्चाका बिच सञ्चार तथा सूचना प्रविधि मन्त्रालयले ‘प्रेमगीत ३’को हिन्दी संस्करणलाई नेपाली चलचित्रको मान्यता दिएको छ । चलचित्र बिकास बोर्डको निर्णयलाई उल्ट्याउदै मन्त्रालयले ‘प्रेमगीत ३’को हिन्दी संस्करणलाई नेपाली चलचित्रको मान्यता दिएको हो । मन्त्रालयको यो निर्णयसँगै अब ‘प्रेमगीत ३’को हिन्दी संस्करणले पनि नेपाली चलचित्रको मान्यता पाएको छ । अब ‘प्रेमगीत ३’को हिन्दी संस्करण ले १५ प्रतिशत विकास शुल्क पनि तिर्नुपर्ने छैन ।
सञ्चार मन्त्रालयको निर्णय सार्वजनिक गर्दै सेन्सर बोर्डका अध्यक्ष सेवन्तक पोखरेलले ‘प्रेमगीत ३’ लाई नेपाली चलचित्रका मान्यता दिने निर्णय भएको उल्लेख गरे ।
नेपाली परिवेशमा निर्माण भएको, नेपाली निर्माताले निर्माण गरेको, नेपाली कलाकारले अभिनय गरेको साथै नेपाली कम्पनीले नै निर्माण गरेकाले विदेशी चलचित्र भन्ने आधार नदेखिएको बोर्डका अध्यक्ष पोखरेलले बताए ।
बोर्डले हिन्दी प्रेमगीत ३ लाई १५ प्रतिशत शुल्क तिर्ने गरी विदेशी चलचित्र सरहको सेन्सर सिफारिस गरेपछि मन्त्रालयले स्पष्टीकरणको लागि चलचित्र बिकास बोर्ड अध्यक्ष भुवन केसीलाई बोलाएको थियो ।
बिकास बोर्डले विदेशी चलचित्रको मान्यता दिने बताएपछि चलचित्रका वितरकले बिकास बोर्डको निर्णय स्वकार योग्य नभएको बताउदै मन्त्रालयमा निवेदन दिएका थिए । उक्त निवेदन लगत्तै मन्त्रालयले बोर्ड अध्यक्ष केसीलाई मन्त्रालयले छलफलमा बोलाएको थियो ।
मन्त्रालयको निर्णयपछि अब ‘प्रेमगीत ३’ को हिन्दी सेन्सर हुने बाटो खुलेको छ भने भोलि प्रदर्शन हुने पक्का भएको छ । २०० सय बर्षअघिको प्रेम काहानी प्रस्तुत गरिएको चलचित्रलाई स्वर्गिय छेतन गुरुङ् र सन्तोष सेनले संयुक्त रुपमा निर्देशन गरेका छन् । सन्तोष सेन निर्माता रहेको चलचित्रको सह निर्माता कुमार सान शाह र ओएसआर डिजिटल छन् ।
चलचित्रको कार्यकारी निर्माता चक्र बहादुर चन्द र मिलन सेन रहेका छन । चलचित्रमा प्रदिप खड्का, नव नायिका कृष्टिना गुरुङ, सुनिल थापा, शिव श्रेष्ठ, संतोष सेन, माओत्से गुरुङग, प्रेम पुरी, नवनायक मनिष रावत, अनुभव रेग्मी, सुजल बस्नेत, सम्बृद्धि शाही ठकुरी, योगीसा खत्री, लक्ष्मी बर्देवा, क्रिजल गौतम लगायतका कलाकारको मुख्य भूमिका रहेको छ ।
https://www.youtube.com/watch?v=9KVdzyllESA
Discussion about this post