विशेष अनलाइन । दीपेन्द्र लामाले निर्देशन गरेको चलचित्र ‘दु:खी आत्मा’को प्रदर्शन मिति तय भएको छ । निर्माता कम्पनी क्लक वर्क क्रियसनले शुक्रबार चलचित्रको टाइटल डिजाइन सहित फागुन २ ‘भ्यालेन्टाइन्स डे’कोदिन लाइ प्रदर्शन मिति तय गरेको हो ।
चलचित्रमा दयाहाङ र आँचलका साथमा अनुपविक्रम शाही,बुद्धि तामाङ, पुस्कर गुरुङ,कविता आले,शिसिर वाङ्देल,आशान्त शर्मा,लोकेन्द्र लेखक,अंकित खड्का, लुनिभा तुलाधर,आरती आचार्य,निमा पाण्डे,इंगीहोपो कोइच सुनुवार,यासेली योङहाङ लगायतका कलाकारहरुको अभिनय रहेको छ ।
चलचित्रको निर्माता हिमाल कडरिया हुन् । निर्देशक लामा र निर्माता कडरियाले यसअघि निर्माण गरेको ‘नाङ्गो गाउँ’ सुपरहिट भएको थियो । ‘दु:खी आत्मा’ उनीहरुको दोस्रो सहकार्य हो ।आलोक शुक्लाको छायांकन,सुशान्त गौतमको संगीत र रामजी लामीछानेको कोरियोग्राफी रहेको चलचित्रको प्रोडक्शन म्यानेजर सुदीप ढकाल छन् ।
Discussion about this post