बिशेष अनलाइन । पछिल्लो समय नेपाली चलचित्र नगरीमा प्रेमगीत ३ को चर्चा छ । चलचित्र बिकास बोर्डले चलचित्र प्रेम गीत ३ को हिन्दी संस्करण प्रदर्शनमा १५ प्रतिशत कर लाग्ने उल्लेख गरेपछि बिवाद सुरु भएको हो ।
अधिकांस चलचित्रकर्मीले चलचित्र बिकास बोर्डको उक्त निर्णयको आलोचना गरेका छन् भने सिमित चलचित्रकर्मीले उक्त कदमलाई सही भनेका छन् । यसै बिच नेपाल चलचित्रकर्मी महासंघ प्रदेश नम्बर १ ले चलचित्र बिकास बोर्डको उक्त कदमको बिरोध गरेको छ ।
‘प्रेमगीत ३’लाई कर छुट दिन र नेपाली चलचित्रसहर सेवासुविधा दिन सरकारलाई आग्रह गर्दै महासंघले विज्ञप्ति जारी गरेको छ । अध्यक्ष अरुणकुमार प्रधान र महासचिव दिनेश कोइरालाद्धारा जारी विज्ञप्तिमा हाल उत्पन्न विवादलाई त्यागेर सबै पक्ष सँगै बसेर चलचित्र प्रेम गीत ३ हेर्न आग्रह गरिएको छ ।
महासंघले राधा, प्रकाश, ऐना झ्यालको पुतलीजस्ता चलचित्रहरुलाई समेत विकासबोर्डले विभेद गरेको जनाएको छ । महासंघले यस्ता विभेदविरुद्ध चलचित्रकर्मी एकजुट भएर बोल्न आग्रह गर्दै सबै चलचित्रकर्मीले टिकट काटेर चलचित्र हेर्ने बानी बसाल्न समेत आग्रह गरेको छ । ‘प्रेमगीत ३’ र चलचित्र विकास बोर्डबीच विवाद चर्कंदै जाँदा अभिनेता प्रदीप खड्काले अध्यक्ष भुवन केसीको राजीनामा मागेका थिए ।
खड्काले राजीनामा मागेपछि उत्पन्न विवादपछि आइतबार चलचित्र विकास बोर्डको बैठक बसेको थियो । बैठकमा चलचित्र संघसँग वार्ता गर्ने र विवाद समाधानका उपायका बिषयमा छलफल भएको बुझिएको छ ।
‘प्रेमगीत ३’ शुक्रबारदेखि नेपाल र भारतमा एकैसाथ प्रदर्शन हुँदैछ ।
https://www.youtube.com/watch?v=-Rt14SX7M4A
Discussion about this post