विशेष अनलाइन । आज शुक्रबारबाट चलचित्र ‘ह्रस्व दीर्घ’ प्रदर्शनमा आएको छ । देशभरका झण्डै १५० शोबाट चलचित्र प्रदर्शनमा आएको हो । निर्माण अगावैदेखि ‘स्टारकास्ट’का कारण चर्चामा रहेको चलचित्रले पाएको यो शो संख्या उत्साहजनक हो ।आज बाटै रिलिजको तयारीमा रहेको चलचित्र ‘केटी हराएको सूचना’ सरेको कारण यो च्लचित्रले एकल प्रदर्शन अवसर पाएको हो ।
चलचित्रमा हरिहर अधिकारी, निता ढुङ्गाना, प्रशान्त ताम्राकार, सञ्चीता लुईटेल, विपना थापा, सरोज खनाल, नरेन खड्का, गरिमा शर्मा, रवीन्द्र झा, आदर्श मिश्र, बुद्धि तामाङ, किरण केसीको अलावा भारतीय कलाकार ब्रह्मानन्दम, अली, कवीर दुहान सिंह, प्रदीप रावत, सुनिल वर्मा लगायतका कलाकारको अभिनय छ ।
चलचित्र ‘ह्रस्व दीर्घ’ अभिनेत्री निता ढुङ्गानाले निर्माण गरेकी हुन् । चलचित्र निर्माणमा उनलाई अभिनेता हरिहर अधिकारीले सहकार्य गरेका छन् । निता फिल्मस्को प्रस्तुतिमा निर्माण भएको चलचित्रका कार्यकारी निर्माता धनन्जय गलानी हुन् । चलचित्र चन्द्र पन्तले निर्देशन गरेका हुन् ।
अभिनेता हरिहर अधिकारीको कथा र प्रतीक पौडेल, निर्देशक पन्त र हरिहरको पटकथा तथा संवाद रहेको चलचित्रलाई बलिउडका चर्चित सिनेमाटोग्राफर कवीरलालले खिचेका हुन् । नेपाली, तेलुगु र हिंन्दी गरि तीन भाषामा रिलिज भएको फिल्म मनोज राठी र उज्वल पौडेलको व्याङ्कटेस इन्टरटेनमेन्ट वितरण गरेको हो ।
Discussion about this post