बिशेष अनलाइन । चलचित्र ‘नाइँ नभन्नु ल’को छैटौं सिरिज बन्ने भएको छ । बिशेष बाल कलाकारका कारण चर्चित बनेको चलचित्र ‘नाइँ नभन्नु ल’को छैटौं सिरिजमा दुई नयाँ बाल कलाकारको मुख्य भूमिका हुने पक्का भएको छ । ‘नाइँ नभन्नु ल ६’मा अभिनेता निखिल उप्रेती र अभिनेत्री सञ्चिता लुइँटेलका १० वर्षीय छोरा अथर्व र टिकटकबाट चर्चित बनेकी ८ वर्षीया बालिका एभेलिना खड्काको मुख्य भूमिका हुने तय भएको छ ।
एभेलिनासँग लिखित सम्झौता भइसकेको र अथर्वसँग केही दिनमै सम्झौताको तयारी भएको निर्माता एवं निर्देशक विकासराज आचार्यले जानकारी दिए ।
अथर्वलाई चलचित्र खेलाउन निर्देशक आचार्यले सञ्चिता र निखिललाई प्रस्ताव गरेको र उक्त प्रस्तावमा निखिल र सञ्चिता पनि साकारात्मक रहेको बताइएको छ । यता एभेलिना टिकटकमा निकै चर्चित मानिन्छिन् । टिकटकमा एभेलिनाका १ लाख ११ हजार भन्दा धेरै फलोअर्स छन् ।
‘निर्माता एवं निर्देशकआचार्यका अनुसार चलचित्र ‘नाइँ नभन्नु ल ६’मा पाँच जना बाल कलाकारको भुमिका रहने छ । अन्य बाल कलाकारको पनि खोजी भइरहेको आचार्यले जानकारी दिए । चलचित्रका लागि अभिनेत्री आँचल शर्मा र आशीर्वाद बराल फाइनल भइसकेका छन् । आशीर्वाद यसै चलचित्रबाट चलचित्र नगरीमा डेब्यु गर्ने तयारीमा रहेका छन् ।
Discussion about this post