बिशेष अनलाइन । दयाराम दाहालको कार्यकाल समाप्त भएसँगै यस समय नेपाल चलचित्र बिकास बोर्डको अध्यक्ष पद रिक्त छ । निवर्तमान अध्यक्ष दाहाल बिदा नहुदै बोर्ड अध्यक्षका लागि दौडधुप सुरु भएको छ । नेपाली चलचित्रको समग्र बिकासको लागी कार्यसम्पादन गर्ने चलचित्र बिकास बोर्डको अध्यक्षका लागि चलचित्र क्षेत्रका दर्जन भन्दा धेरै ब्यक्तिहरु आकांक्षी देखिएका छन् । आकांक्षी दर्जन भन्दा धेरै देखिएपनि करिव आधा दर्जनको सम्भावना बलियो देखिएको छ ।
नेपाल सरकार सुचना तथा सञ्चार मन्त्रालय मातहतमा रहने चलचित्र विकास बोर्डको अध्यक्ष बन्न केन्द्रमा रहेर चलचित्र कर्म गर्ने देखि केन्द्र भन्दा बाहिर रहेर यस क्षेत्रमा कृयाशिल रहने चलचित्रकर्मीहरु समेत लागि परेका छन् । केन्द्र भन्दा बाहिर रहेर बोर्डको अध्यक्षका लागि आकांक्षा राख्नेहरु मध्यमा चलचित्रकर्मी महासंघ प्रदेश १ का अध्यक्ष अरुण कुमार प्रधानको सम्भावना बलियो देखिएको छ ।
बोर्डको अध्यक्ष बन्नका लागि पुर्व अध्यक्षहरु समेत आकांक्षी देखिएका छन । निवर्तमान अध्यक्ष दयाराम दाहाल समेत पुन अध्यक्ष बन्नका लागि आकांक्षी देखिएका छन् । यता अभिनेता तथा निर्माता भुवन केसी पनि बोर्डको अध्यक्ष बन्न ताकेता गरिरहेका छन् । अध्यक्ष बन्नकै लागि केसीले केही समय अघि नेपाली कांग्रेस पार्टीमा प्रवेश गरेको चर्चा छ ।
अध्यक्ष पदका लागि प्रदेश १ मा रहेर चलचित्र गतिविधि गर्दै आएका अरुण कुमार प्रधानलाई पनि बलिया दाबेदारका रुपमा हेरिएको छ । आफ्नै सकृयतामा चलचित्रकर्मी महासंघ प्रदेश १ को गठन गरी चलचित्र गतिविधि गर्दै आएका प्रधानले बोर्डको अध्यक्ष बन्ने दौडमा आफु रहेको उल्लेख गरेका छन् । बिशेष अनलाइनसँग कुरा गर्दै प्रधानले आफुले केन्द्र तथा केन्द्र बाहिरका चलचित्रकर्मीहरुको सल्लाहअनुसार नै बोर्डको अध्यक्षका लागि आफ्नो दाबेदारी प्रस्तुत गरेको बताएका छन् ।
“प्रदेश १ मा रहेर मैले चलचित्र क्षेत्रमा गरेको योगदानलाई चलचित्रकर्मीहरुले मुल्यांकन गर्नु भएको छ । सोही मुल्यांकनलाई मध्यनजर गर्दे मैले बोर्डको अध्यक्षको लागि दाबेदारी प्रस्तुत गरेको हुँ” प्रधानले भने ।
भुवन र अरुण सँगै निर्देशक सम्झना उप्रेती, निर्देशक सम्झना रौनियार, निर्देशक तथा निर्माता नरेश पौडेल, मनिष पण्डित, निर्देशक नारायण पुरी, निर्माता चिरञ्जिबी बस्नेत, निर्देशक सुचित्रा श्रेष्ठ, निर्देशक राजेन्द्र उप्रेती, पत्रकार दिवाकर मैनाली लगायत दौडमा देखिएका छन् ।
Discussion about this post