बिशेष अनलाइन । चलचित्र विकास बोर्डको अध्यक्ष पदका लागि धरानका अरुण प्रधानले आवेदन दिएका छन् । मंगलबार मध्यान्हसम्ममा अरुणसँगै निर्देशक सम्झना उप्रेतीले पनि आवेदन दिएको बताइएको छ । हालसम्म दुई जनाले मात्र आवेदन दिएको सञ्चार मन्त्रालयअन्तर्गतको संस्थान समन्वय शाखाले जानकारी दिएको छ ।
दयाराम दाहालको कार्यकाल समाप्त भएसँगै हाल चलचित्र विकास बोर्डको अध्यक्ष पद रिक्त रहेको छ । नेपाली चलचित्रको समग्र बिकासको लागी कार्यसम्पादन गर्ने चलचित्र बिकास बोर्डको अध्यक्षका लागि चलचित्र क्षेत्रका दर्जन भन्दा धेरै ब्यक्तिहरु आकांक्षी देखिएका छन् । आकांक्षी धेरै भए पनि हालसम्ममा २ जनाको मात्र आवेदन परेको छ । आवेदनको म्याद सकिन अझै पाँच दिन बाँकी रहेकाले अन्य आवेदनहरु बिस्तारै थपिदै जाने अपेक्षा गरिएको छ ।
नेपाल सरकार सुचना तथा सञ्चार मन्त्रालय मातहतमा रहने चलचित्र विकास बोर्डको अध्यक्ष बन्न केन्द्रमा रहेर चलचित्र कर्म गर्ने देखि केन्द्र भन्दा बाहिर रहेर यस क्षेत्रमा कृयाशिल रहने चलचित्रकर्मीहरु समेत लागि परेका छन् । केन्द्र भन्दा बाहिर रहेर बोर्डको अध्यक्षका लागि आकांक्षा राख्नेहरु मध्यमा चलचित्रकर्मी महासंघ प्रदेश १ का अध्यक्ष अरुण कुमार प्रधानको सम्भावना बलियो देखिएको छ ।
अध्यक्ष बन्नका लागि दौडधुप गरिरहेका अर्का आकांक्षी तथा अभिनेता भुवन केसी अझै ‘पर्ख र हेर’को मनस्थितिमा रहेको बुझिएको छ । उनी अध्यक्ष बन्नका लागि आन्तरिक गृहकार्य गरिरहेका छन् । अध्यक्ष बन्ने निश्चित भएपछि मात्र आवेदन दिने तयारीान अभिनेता केसी रहेको श्रोतको दाबी छ ।
अध्यक्ष पदका लागि निर्देशक सम्झना रौनियार, निर्देशक तथा निर्माता नरेश पौडेल, मनिष पण्डित, निर्देशक नारायण पुरी, निर्माता चिरञ्जिबी बस्नेत, निर्देशक सुचित्रा श्रेष्ठ, निर्देशक राजेन्द्र उप्रेती, कलाकार रमेश बुढाथोकी, पत्रकार दिवाकर मैनाली लगायत दौडमा देखिएका छन् ।
Discussion about this post