बिशेष अनलाइन । पछिल्लो समय नेपालमा रियालिटी शो को र्वचश्व छ । यतिबेला नेपालका २ वटा रियालिटी शो द भ्वइस आफ नेपाल र कमेडी च्याम्पियनले नेपाल तथा भारतको समेत ध्यान केन्द्रित गरिरहेको छ । नेपाली दर्शकका साथै नेपाली राजनिज्ञहरुलाई समेत यस्तो शो हरुले प्रभावित बनाइरहेका छन् । यसैबिच ‘कमेडी च्याम्पियन २’का प्रतिस्पर्धी भरतमणि पौडेलका लागि नेकपा एमालेका युवा नेता तथा पूर्व पर्यटनमन्त्री योगेश भट्टराईले भोट गर्न अपिल गरेका छन् । केही समय अघिमात्र उनको पहलमा भरतमणिका लागि ६ लाख पुरस्कार समेत घोषणा गरिएको थियो ।
आफुपनि ताप्लेजुङ निवासी भएकै कारण ताप्लेजुङका भरतमणिलाई च्याम्पियन बनाउन पुर्व मन्त्री योगेशले भोट अपिल गरेका हुन् । उनले भरतमणिलाइृ भोट गरिदिन सामाजिक संजालमा मार्फत अनुरोध गरेका छन् ।
‘अहिले चर्चामा रहेको कमेडी रियालिटी शो कमेडी च्याम्पियन २ का प्रतिस्पर्धीहरु सबै अब्बल छन् । त्यसमध्ये पनि भरतमणि पौडेल मलाई हास्यव्यङ्ग्य क्षेत्रको उदाउँदो मणि जस्तो लाग्छ । कञ्चनजंघाको फेदमा, तमोर नदीको चिसो पानी खाँदै, पाथिभरा माताको छत्रछायाँमा हाम्रै गाउँ घरमा हुर्केका यी ताप्लेजुङे ठिटो हाम्रो त प्रिय छँदैछन्, त्योभन्दा पनि बढी प्रतिभाशाली छन् । कमेडी च्याम्पियनको ताज प्राप्त गर्ने यिनको दौडमा भोटमार्फत होस्टेमा हैंसे गर्दा सबै नेपालीले पनि आनन्दको अनुभूति गर्नुहुनेछ । यो मेरो व्यक्तिगत अनुभूति मात्रै हो । बाँकी निर्णय अधिकार त तपाइँहरुकै । सबै प्रतियोगीलाई मेरो शुभकामना छ’योगेशले भनेका छन् ।
केही दिन अगाडि सिक्किमका मुख्यमन्त्री पीएस गोलेले ‘कमेडी च्याम्पियन’का प्रतिस्पर्धी विक्की अग्रवाललाई भोट गर्न भन्दै उनको परिवारलाई ५ लाख रुपैयाँ सहयोग गरेका थिए ।
Discussion about this post