बिशेष अनलाइन । कुनै समय नेपाली चलचित्र नगरीमा एकछत्र राज गर्न सफल अभिनेत्री हुन् रेखा थापा । नेपाली चलचित्र नगरीकी साहसी अभिनेत्रीका रुपमा समेत अभिनेत्री थापाको चित्रण हुने गथ्र्यो । अभिनेत्रीहरुले पनि एक्शनमा काम गर्न सक्छन् भनेर उदाहरण प्रस्तुत गरेकी अभिनेत्री थापाले केही चलचित्रहरु समेत निर्माण गरेकी छन् ।
हालसम्म पनि नेपाली चलचित्र नगरीकी नम्बर वान नायिकाका रुपमा अभिनेत्री थापाको नै व्याख्या हुने गरेको छ । अभिनेत्री थापाको स्थान लिन पछिल्लो पुस्ताका कुनै पनि अभिनेत्रीहरुले नसक्ने नेपाली चलचित्र पडितहरुले बताउने गरेका छन् ।
२ सय भन्दा धेरै नेपाली चलचित्रहरुमा काम गरेकी अभिनेत्री थापाको पहिलो पारिश्रमिक कति होला ? सबैको चासोको बिषय बन्न सक्छ । उनले पहिलो चलचित्रमा काम गरेबापत पाएको पारिश्रमिक १ रुपैया हो भन्दा धेरैलाई बिस्वास नलाग्न सक्छ, तर यो सत्य हो ।
२०५७ सालमा चलचित्र हिरोबाट डेब्यू गरेकी अभिनेत्री थापालाई चलचित्रका निर्माता छबिराज ओझाले १ रूपैया पारिश्रमिक दिएका थिए । उक्त चलचित्रमा राजेश हामाल, निरुता सिंह, गौरी मल्ल लगायतका कलाकारहरुको अभिनय रहेको छ ।
२०५७ सालमा निर्माण भएको उक्त चलचित्रमा काम गर्नु भन्दा पहिला नै निर्माताले “लाउ यो एक रूपैया राख, यसले तिमीले धेरै पैसा कमाउछेउ” भन्दै एक रूपैयाको सिक्का दिएका थिए। एक रूपैयबाट सुरू अभिनेत्री थापाको २१ वर्षे चलचित्र जिवनमा उनले २ सय भन्दा धेरै चलचित्रहरुमा अभिनय गरिसकेकी छिन् ।
Discussion about this post