पछिल्लो पुस्ताका कलाकार, कस्को पारिश्रमिक कति ?

बिशेष अनलाइन । नेपाली चलचित्र नगरी कोरोना भाइरसका कारण थलिएको छ । सहजरुपले छायांकन हुन समेत नसकेको अवस्थामा प्रदर्शनका लागि तयार भएका चलचित्रहरुसमेत कहिलेबाट प्रदर्शन हुन्छन् भन्ने अत्तोपत्तो छैन । नेपाली चलचित्र नगरी अब झण्डै १५ वर्ष पछाडी धकेलिएको चलचित्र पण्डितहरुले बताउने गरेका छन् । नेपाली निर्माताहरु चलचित्र निर्माणमा लगानी गर्नु बालुवामा पनि जस्तै भएको व्याख्या गर्न थालेका छन् । कतिपय चलचित्र भवनहरु कोरोना महामारीकै कारण सधैका लागि बन्द भइसकेका छन् ।

चलचित्र नगरी कहाली लाग्दो अवस्थामा भए पनि चलचित्रका कालाकारहरु भने आफ्नो पारिश्रमिकमा अडिक देखिएका छन् । चलचित्र नगरीको अवस्था जेजस्तो भए पनि आफ्नो पारिश्रमिक घटाएर काम नगर्ने पक्षमा कलाकारहरु छन् । पछिल्लो पुस्ताका धेरै पारिश्रमिक लिएर काम गर्ने केही कलाकारहरुका बिषयमा आज हामीले चर्चा गरेका छौँ ।

अनमोल केसी
नेपाली चलचित्र नगरीमा पछिल्लो समय पारिश्रमिक धेरै लिने अभिनेता तथा अभिनेत्रीहरुको प्रतिष्पर्धा नै हुने गरेको छ । बिभिन्न सञ्चार माध्यमहरुमा आएका खवरहरुलाई सत्य मान्ने हो भने धेरै परिश्रमिक लिने पहिलो कलाकारमा पर्छन अभिनेता अनमोल केसी । उनले एउटा चलचित्रमा अभिनय गरे बापत ५० लाख रुपैया मारिश्रमिक लिने गरेका छन् । नेपाली चलचित्र ‘एक्स ९’का लागि त निर्देशक मुकुन्द भट्टले ७५ लाख पारिश्रमिक सहित अफर गरेको चर्चा छ।

नेपाली चलचित्र इतिहासकै सबै भन्दा धेरै पारिश्रमिक लिएर काम गर्न अभिनेता अनमोल केसी पनि तयार देखिएका छन् । अभिनेता केसी होम प्रोडक्शनमा निर्माण हुने चलचित्रलार्य स्थागित गर्दै चलचित्र ‘एक्स ९’मा काम गर्न तयार भएको बताइएको छ । यस चलचित्रमा बलिउड अभिनेता सुनिल सेट्टीलाई अफर गरिएको चर्चा छ ।

प्रदिप खड्का
अनमोल पछि धेरै पारिश्रमिक लिने कलाकारमा पर्छन् अभिनेता प्रतिप खड्का । सञ्चार माध्यमहरुमा आएका समाचारलाई सत्य मान्ने हो भने अभिनेता खड्काले एउटा चलचित्रमा काम गरेबपत ३० देखि ४० लाख सम्म पारिश्रमिक लिने गरेका छन् । अभिनेता अनमोल केसी र अभिनेता प्रदिप खड्कालाई एक अर्काका प्रतिष्पर्धीकारुपमा समेत व्याख्या गर्ने गरिएको छ ।

कतिपय अवस्थामा व्यवहारले पनि त्यस्तै देखाउने गरेको छ । अभिनेता अनमोल केसीले काम नगरेका कतिपय चलचित्रहरुमा प्रदिप खड्कालाई र कतिपय प्रदिपले नगरेका चलचित्रहरुमा अभिनेता अनमोललाई अफर गर्ने गरिएका उदाहारणहरु छन् । यसैले पनि प्रदिप र अनमोललाई एक अर्काको बिकल्पका रुपमा हेर्ने गरिएको छ ।

पल शाह
धेरै पारिश्रमिक लिएर काम गर्ने तेश्रो अभिनेताका रुपमा लिइन्छ अभिनेता पल शाहलाई । उनले एउटा चलचित्रमा काम गरेको २५ देखि ३० लाख सम्म पारिश्रमिक लिने गरेको बताइन्छ । सामाजिक सेवामा समेत निकै सकृय अभिनेता शाह म्युजिक भिडियोहरुमा पनि उत्तिकै व्यस्त हुने गरेका छन् । अभिनेता शाह म्युजिक भिडियो हुदै नेपाली चलचित्रमा प्रवेश गरेका हुन् ।

पछिल्लो समयको सामाजिक कामको सकृयताका कारण पनि अभिनेता शाहले राम्रो फ्यान फलोइङ कमाएका छन् । अभिनेता शाहलाई रियल हिरोकारुपमा समेत चित्रण गर्ने गरिएको छ ।

सम्रज्ञी राज्यलक्ष्मी शाह
यता पछिल्लो पुस्ताका अभिनेत्रीहरुमा भने सबैभन्दा धेरै पारिश्रमिक लिने अभिनेत्रीमा पर्छिन् अभिनेत्री सम्राज्ञी राज्यलक्ष्मी शाह । बिभिन्न मिडियामा आएका खवरहरुलाई सत्य मान्दा अभिनेत्री शाहले एउटा चलचित्रमा काम गरेको १५ लाखसम्म पारिश्रमिक लिने गरेकी छन् । अभिनेत्री शाहलाई नेपाली चलचित्र नगरीकी एक सफल नायिकाका रुपमा चिनिन्छ ।

अभिनेता भुवन केसीले निर्देशन गरेको चलचित्र ड्रिम्स बाट चलचित्र नगरीमा उदाएकी अभिनेत्री शाहले अभिनय गरेका अधिकांश चलचित्रहरु सफल भएका छन् । अभिनेत्री शाह बिभिन्न कारणले चर्चामा पनि आइरहने गर्छिन् ।

पुजा शर्मा
अभिनेत्री शाहसँगै धेरै परिश्रमिक लिने अर्की अभिनेत्री हुन् पुजा शार्मा । अभिनेत्री शर्माले पनि एउटा चलचित्रमा काम गरेको पारिश्रमिक १५ लाख सम्म नै लिने गरेको चर्चा हुने गरेको छ । नेपाली चलचित्र नगरीमा छुट्टै फ्यान फलोइङ कमाएकी अभिनेत्री शर्मा धेरै जसो आफ्नै प्रोडक्शनमा निर्माण भएका चलचित्रहरुमा काम गर्ने गर्छिन् ।

अभिनेत्री शर्मा चलचित्र निर्माता समेत बनिसकेकी छन् । बिभिन्न कारणले चर्चामा आइरहने अभिनेत्री शर्मा र अभिनेत्री सम्राज्ञी बिचको सम्बन्ध त्यति सुमधुर नरहेको नेपाली चलचित्र नागरीमा चर्चा हुने गरेको छ । अन्य अभिनेता तथा अभिनेत्रीहरुले भने चलचित्रको भुमिका अनुसार पारिश्रमिक लिने गरेको बताइन्छ ।