विशेष अनलाइन । महक मिडिया नेटवर्क कम्पनीले निर्माण गरेको रियालिटी शो ‘एक्टिङ स्टार’को निर्णायक ((जज) सार्वजनिक गरिएको छ । बुधबार आयोजकले एक पोस्टर सार्वजानिक गर्दै अभिनेता तथा निर्देशक नीर शाह, रंगकर्मी तथा चलचित्र निर्देशक अनुप बराल र अभिनेत्री ऋचा शर्मा ‘एक्टिङ स्टार’को निर्णायक (जज) रहने जानकारी गराएको हो ।
डिजिटल अडिसनमार्फत एक हजार बढीले भिडियो खिचेर पठाइसकेको शोका निर्देशक विशाल भण्डारीले जानकारी दिए । उनका अनुसार डिजिटल अडिसनमा बच्चा, युवा र वृद्धवृद्धाले समेत भाग लिएका छन् । यसमा छनोट हुनेलाई उनीहरुकै ठाउँमा पुगेर प्रमाणपत्र प्रदान गरिने जनाइएको छ ।
गायन, नृत्य र कमेडीका रियालिटी शोहरुलाई दर्शकले रुचाइरहेका बेला ‘एक्टिङ स्टार’ पनि आउन लागेको हो । ‘एक्टिङ स्टार’ को डिजिटल अधिकार ओएसआर डिजिटलले खरिद गरेको छ । ‘एक्टिङ स्टार’का विजेताले नगद पुरस्कारसहित फिचर चलचित्र मा काम गर्ने अवसर पाउनेछन् ।
Discussion about this post