‘सानो संसार ’को टिजर : भावना र हाँसोको मिश्रणको कथा

विशेष अनलाइन । सिद्धार्थ पुडासैनी निर्देशित चलचित्र ‘सानो संसार ’को टिजर सार्वजनिक भएको छ । चलचित्रको टिजरले स्टोरिज अफ मिडल क्लासको मर्मस्पर्शी कथालाइ उतारेको छ । टिजरमा भावना र हाँसोको मिश्रण रहेको छ ।

मध्यमवर्गीय परिवारको संघर्ष, पीडा र संवेदनालाई टिजरमा चित्रण गरिएको छ । मध्यमवर्गले देख्ने ठूला सपना र ती सपना पूरा गर्न हुने कठिनाइबीचको कथावस्तुको वरपर रहेर टिजरमा देखाऐएको छ ।

असोज ११ बाट सार्वजानिक प्रदर्शनमा आउने चलचित्रमा अन्जसा रिजाल, अनु दाहाल, राज पंगेनी शर्मा, सीतादेवी तिमल्सिना, शिशिर सिवाकोटी, सरिता भण्डारी र जीवन गौतम लगायत कलाकारहरुको अभिनय रहेको छ ।

चलचित्र ‘सानो संसार’जधानी मिडिया र प्रिन्सेस मुभिजको ब्यानरमा निर्माण भएको हो । यस चलचित्रलाई अर्जुन कुमारले निर्माण गरेका हुन् ।चलचित्रको कार्यकारी निर्माता माधव वाग्ले रहेका छन् ।