विशेष अनलाइन । सरोज पौडेलको लेखन तथा निर्देशन रहेको चलचित्र ‘पूर्ण बहादुरको सारङ्गी’ को फस्ट लुक पोस्टर सार्वजनिक भएको छ । निर्माण टिमले शुक्रबार कात्तिक १५ गते लक्ष्मीपूजाबाट प्रदर्शन गर्ने मिति तय गर्दै चलचित्रको को पोस्टर सार्वजनिक गरेको हो ।
सार्वजनिक पोस्टरमा चलचित्रका मुख्य पात्र विजय बराल र प्रकाश सपूतलाई देकाइएको छ । झुस्स दारी जुँगामा खुसी देखिएका विजयको क्लोजअपमा वान साइड फेस देखाइएको छ । प्रकाश सपूत सरकारी स्कुलको ड्रेसमा हातमा मार्कसिट बोकेर घर दौडिरहेका छन् ।
चलचित्रमा विजय र प्रकाशसँगै मुकुन भुसाल, बुद्धि तामाङ, अञ्जना बराइली, माओत्से गुरुङ, देशभक्त खनाल, भोलाराज सापकोटा, विनोद न्यौपाने, अलिस बास्तोला, श्याम केसी, जानवी पौडेल लगायत कलाकारहरुको अभिनय रहेको छ ।
सेभेन सिस सिनेमा र बासुरी फिल्मसको प्रस्तुति बनेको चलचित्रका निर्माता विनोद पौडेल र प्रतीक सुवेदी रहेका छन् । चलचित्रको पटकथा तथा संवाद महेश दवाडीले लेखेका हुन् । विनोद पौडेल र प्याट्रिक सुवेदी लगानी रहेको चलचित्रका कार्यकारी निर्माता रमेश चौलागाईं, हरि श्रेष्ठ र रमेश ढकाल हुन् ।शिवराम श्रेष्ठ छायाकार रहेको चलचित्रमा प्रशान्त सिवाकोटीको सङ्गीत, हेमन्त कान्छा रसाइलीको सारङ्गी, प्रशान्त सिवाकोटी, मेलिना राई र पुष्पन प्रधानको स्वर रहेको छ ।
चलचित्रमा सुरेन्द्र पौडेले सम्पादन, सुप्रीम पराजुलीले कलर, उत्तम न्यौपानेले साउण्ड मिक्सीङ गरेका छन् । चलचित्रमा दिनेश बहादुर रावतको सह निर्देशन, रोहित शाक्यको ब्याकग्राउण्ड स्कोर, विजय वस्यालको पोस्टर डिजाइन रहेको छ ।
यो चलचित्रलाइ अन्तर्राष्ट्रिय रूपमा चलचित्र वितरण गर्दै आएको कम्पनी सेभेन सिज इन्टरटेनमेन्टले निर्माण गरेको हो । सोसल–ड्रामा जनरा निर्माण भएको चलचित्रलेनेमा गन्धर्व परिवारको कथामा आधारित रहेको छ ।यो चलचित्रलाई सेभेन सिज इन्टरटेनमेन्टले नै विश्वभर प्रदर्शन गराउने भएको छ ।
Discussion about this post