विशेष अनलाइन । सुयोग गुरुङको निर्देशनमा बन्न लागेको चलचित्र ‘जेरी अन टप’मा साइग्रेस पोखरेल अनुबन्धित भएका छन् । बिहीबार ‘जेरी अन टप’को क्रिएटिभ भूमिकाको लागि उनी अनुबन्धित भएका हुन् । निर्माता सरोज न्यौपाने र पोखरेलबीच बिहीबार लिखित सहमति भएको हो ।
पोखरेलले यो चलचित्रमा पटकथा र संवादको पक्ष केलाउने छन् । न्यौपानेले विशेष अनलाइन सग कुरा गर्दै भने, ‘स्क्रिप्ट र डायलग सहित क्रिएटिभ पार्टको लागि उहाँले काम गर्नुहुनेछ’.
चलचित्रमा साइन गरेपछि पोखरेलले आफूले अभिनेता केसीलाई समेत फलो गरिरहेको बताएका छन् । युरोपमा बसोबास गर्दै आएका पोखरेल यतिबेला काठमाडौंमा छन् ।
चलचित्रको को छायांकन अर्को सातादेखि सुरु गर्ने तयारी छ । काठमाडौं, लुक्ला र भारतको लद्दाखमा लगायतका ठाउहरुमा चलचित्रको छायांकन हुने तयारि रहेको छ ।
चलचित्रमा अनमोल सहित आँचल शर्मा र जसिता गुरुङको मुख्य भूमिका रहने छ । चलचित्रको प्रदर्शन भ्यालेन्टाइन्स डेको सन्दर्भमा फागुन २ गते बाट प्रदर्शन गर्ने तयारि रहेको छ।
Discussion about this post