विशेष अनलाइन । सुदर्शन थापाले निर्देशन गरेको चलचित्र ‘रावायण’को गीत सार्वजनिक भएको छ । बुध्रवार चलचित्र युनिटले प्रेमभावमा रहेको ‘तिम्रै लागि’ बोलको गित युटुब मार्फत सर्वजानिक गरेको हो । यस गीतमा चलचित्रका मुख्य कलाकार पल शाह र पूजा शर्माको अभिनय रहेको छ ।
निरज सिंहको संगीत रहेको गीतमा डा.कृष्णहरि बराल र प्रदीप श्रीवास्तवको शब्द रहेको छ । कुनाल गान्जावाला र सोनु कक्करले यस गितमा स्वर दिएका छन् ।कोरियोग्राफर रामजी लामिछानेले पल र पूजालाई नचाएका हुन् । गीत भारतको मुम्बईस्थित कैलाश स्टुडियोमा रेकर्ड गरिएको हो ।
चलचित्रमा पल र पूजा सहित प्रियंका कार्की, प्रमोद अग्रहरी, निकीता चण्डक, प्रकाश शाह, कैलाश रावल, अर्जुनजंग शाही, शर्मिला मल्ल, प्रदिप ढकाल, कैलाश रावल, अनिल कुर्मी, रजिता पराजुली, निमा पाण्डे, विशाल पहारी, सुशान्तकुमार श्रेष्ठ, योगेश भण्डारी, प्रेरणा गिरी र सुहान श्रेष्ठ लगायतका कलाकारहरुको अभिनय रहेको छ ।
सुदर्शन थापा प्रोडक्शन र पूजा शर्मा प्रोडक्शनको संयुक्त ब्यानरमा बनेको चलचित्रकि की निर्माता पूजा हुन् । चलचित्रमा सुशन पाठक कार्यकारी निर्माता रहेका छन् ।
चलचित्रमा निर्देशक थापाको कथा, शिवम अधिकारीको लेखन, प्रदीप श्रीवास्तव र राज गौरवको ओरिजिनल हिन्दी स्क्रिप्ट रहेको छ । सौरभ लामाले छायांकन गरेको चलचित्रमा मिलन श्रेष्ठको सम्पादन, प्रमोद श्रीनिवासनको साउण्ड डिजाइन, निरज सिंह, रेवन आरती सिंहको संगीत रहेको छ ।
चलचित्रमा नकासा अजिज, कुनाल गान्जावाला, रेवन आरती सिंहको ओरिजिनल ब्याकग्राउण्ड स्कोर, उमेश चौधरीको आर्ट डिरेक्सन, विक्रम स्वार र रामजी लामिछानेको कोरियोग्राफी र श्री श्रेष्ठको एक्सन रहेको छ । चलचित्रको वितरण आरआर फिल्मसले गर्नेछ भने डिजिटल पार्टनरको रुपमा ओएसआर डिजीटल रहेको छ ।
Discussion about this post