इटहरी / नेपालमा पछिल्लो समय कोरोनाका कारण महामारी चलचिरहेको छ । यस अवस्थामा पनि दर्शकलाई मनोरञ्जन दिन सफल भइरहेको छ चर्चित रियालिटी शो ‘दि भ्वाइस अफ नेपाल । पहिले जस्तै दि भ्वइसको तेस्रो सिजनलाई नेपाली दर्शकले निकै रुचाएका छन् । हिमालय टेलिभिजन र भ्वइस अफ नेपालकै अफिसियल यूट्यूव च्यानलबाट प्रशारण भइरहेको चर्चित रियालिटी शो ‘दि भ्वाइस अफ नेपाल ३’ को व्याटल राउण्ड सकिएको छ ।
ब्याटल सकिएसँगै चारै जना कोचले आफ्नो टिममा १६ जना बाट घटाएर ८ जना र एक जना स्टिल सहित गरेर ९ जना प्रतियोगी पाएका छन् । प्रत्येक टिमबाट छानिएका ९ जना प्रतियोगीले अब नकआउट राउण्डमा प्रतिष्पर्धा गर्नेछन् । ‘ब्लाइन्ड अडिसन’बाट प्रत्येक कोचले आफ्नो टिममा १६ जना प्रतियोगी लिएका थिए । आफ्नै टिमका दुई प्रतियोगी बीच ब्याटल गराएर एक जनालाई अघि बढाउने अधिकार कोच आफैमा हुने गर्छ । सोही अधिकारको प्रयोग गर्दै प्रत्येक कोचले ८ जना प्रतियोगी छनोट गरेका छन् ।
अर्को टिमबाट आउट भएका एक जनालाई स्टिल गर्दै प्रत्येक कोचको टिममा ९ जना प्रतियोगी रहने नियम रहेको छ । यो नियम नेपालको मात्र नभएर अन्तराष्ट्रिय स्तरमा हुने दि भ्वइसको नियम हो । अब भ्वइसमा प्रत्येक टिममा ९ जनाको दरले ४ जना कोचको टिममा जम्मा ३६ जना प्रतिस्पर्धी बाकी रहेका छन् ।
अब नक आउट चरण अन्तर्गत ४ टिममा रहेका ९ जना प्रतिस्पर्धीबाटबाट ३ टिम बनाईन्छ । हरेक १ टिममा ३ जना सहभागी हुन्छन् । जसमध्ये १ जनालाई लाईभ शोमा लगिन्छ । बाकी २ जना भने नकआउट चरणबाछ आउट हुन्छन् । अब प्रत्येक टिमबाट ६ जना आउट हुन्छन् भने जम्मा ३ जनाले मात्र अर्को चरण अर्थात लाईभ शो को यात्रा तय गर्ने छन् । प्रत्येक टिमबाट ३ जनाका दरले अर्को चरणमा प्रवेश गर्दै गर्दा जम्मा १२ जना प्रतिस्पर्धी बाकी रहनेछन् ।
आगामी हप्ताबाट नकआउट राउण्ड सुरु हुनेछ । पहिलो सिजनमा नकआउट राउण्ड समावेश भएको थिएन । दोश्रो सिजन र यो सिजनमा भने भ्वाइसले नकआउट राउण्ड राखेको छ । ‘दि भ्वाइस अफ नेपाल’ को पहिलो सिजनमा दिप श्रेष्ठ, र प्रमोद खरेल सहित सनुप पौडेल र अभया सुब्बा कोच रहेका थिए । पहिलो सिजनमा टिम प्रमोदबाट ीसटल भएर टिम दिपमा गएका सिडी बिजय अधिकारीले उपाधी जित्न सफल भएका थिए । यस्तै दोश्रो सिजनमा पनि दिप श्रेष्ठ, र प्रमोद खरेल सहित राजु लामा र आस्था राउत कोचको रुपमा रहेका थिए । दोश्रो सिजनमा पनि टिम दिपबाट स्टिल भएर टिम प्रमोदमा आएका राम लिम्बुले उपाधी जित्न सफल भएका थिए । भ्वाइसको तेश्रो सिजनमा दिप श्रेष्ठ,प्रमोद खरेल, राजु लामा र तृष्णा गुरुङ कोच रहेका छन् ।
Discussion about this post