रहिनन् प्रशान्त तामाङकी आमा

इटहरी / ईण्डियन आइडल जितेर बिश्वमाझ परिचित बनेका गायक तथा अभिनेता प्रशान्त तामाङलाई मातृशोक परेको छ । प्रशान्तले आफ्नो सामाजिक सञ्जाल मार्फत आमाको निधन भएको पुष्टि गरेका छन् । आमाको घरम नै निधन भएको प्रशान्तले पुष्टि गरेका छन् । प्रशान्तकी आमा दार्जीलिङ बस्दै आएकी थिइन् । आमाको के कारणले दिधन भएको हो भन्ने विषयमा भने प्रशान्तले केही खुलाएका छैनन् ।

गीत गाएर विश्वमाझ छाएका प्रशान्त निर्देशक नारायण रायमाझीको निर्देशनमा बनेको चलचित्र ‘गोर्खा पल्टन’बाट नेपाली चलचित्र नगरीमा उदाएका थिए । उनको डेब्यू चलचित्रलाई नै नेपाली दर्शकले अत्याधिक रुचाएका थिए । गायकका रुपमा परिचित प्रशान्तलाई चलचित्र ‘गोर्खा पल्टन’ले परिचय नै फेरिदिएको थियो । उनलाई ‘गोर्खा पल्टन’को प्रदर्शन पश्चात एका एक नेपाली दर्शकले सुपरस्टार नायकका रुपमा चिन्न थालेका थिए ।

‘गोर्खा पल्टन’ सफल भए पछी प्रशान्तले अन्य आधा दर्जन भन्दा धेरै नेपाली चलचित्रमा काम गरे । तर अन्तत नारायण रायमाझीकै निर्देशनमा बनेको ‘परदेशी’ प्रशान्तको अर्को सफल चलचित्र बन्यो । प्रशान्तको पछिल्लो चलचित्र ‘परदेशी २’ को पनि छायाँकन सम्पन्न भइसकेको छ । कोरोना भाइरसको मारमा परेका कारण चलचित्र कहिलेबाट प्रदर्शन हुन्छ भन्ने विषयमा भने निर्माण यूनिटले खुलाएको छैन ।

निर्देशक रायमाझीले पनि सामाजिक सञ्जालमा स्टाटस् लेख्दै प्रशान्तकी आमाप्रति ऋद्धाञ्जली दिएका छन् ।, ‘

हार्दिक श्रद्धान्जली आमा

हजुर ले आफनो कोख बाट जन्म दिएको सपुत जस्ले संसार भरीका नेपालीहरूको मन लाई एकैठाउ मा बनायको त्यो क्षण, पाल्पाली ढाकाको टोपी छोराको सिरमाथी पहिराई दिदा सारा नेपालीको सिर सगरमाथा जस्तै उच्च भयको त्यो क्षण, हजुरले प्रशान्त लाई जन्म दिनुभएको थियो र त म पनि चलचित्र निर्देशक नारायण रायमाझी भएर चिनिने अबसर प्राप्त गरेको थिए, हजुरले यति चाँडो यो सन्सार छोडेर जानुहुन्छ जस्तो एक रति पनि लागेको थिएन र अझै पनि बिश्वास लागेको छैन, विधीको विधान कसैले रोकेर रोकिँदैन रहेछ , बैकुण्ठमा बास होस् आमा, हजुर को आत्माको चिर शान्तीको कामना छ,

प्रिय प्रसान्त हामी सबै चलचित्र (परदेशी २) परीवार को समवेदना छ है धैर्य गर्नु ! ’निर्देशक रायमाझीले सामाजिक सञ्जालमा स्टाटस् लेखेका छन् ।

‘दार्जीलिङ निवासी प्रशान्त तामाङले नेपालको प्रतिनिधित्व गर्दै ईण्डियन आइडल २००७’ विजयी भएका थिए ।