इटहरी / चलचित्र ‘रणवीर’बाट नेपाली चलचित्र क्षेत्रमा डेब्यू गरेकी अभिनेत्री सुपुष्पा भट्ट बिवाह बन्धनमा बाधिने पक्का भएको छ । उनले प्रेमी रौनक विक्रम कँडेलसँग आज पारिवारिक समारोहका विच टिकाटालो गरेकी हुन् । रौनक चलचित्र निर्माता पनि हुन् । उनले चलचित्र ‘कबड्डी’ निर्माण गरेका हुन् । चलचित्र ‘कबड्डी’ ले निकै राम्रो व्यापार गर्न सफल भएको थियो ।
सुपुष्पा र रौनकले वैशाख १७ गते टिकाटालो गर्ने तयारी गरेका थिए । तर, कोरोना कोरोना भाइरसका कारण निषेधाज्ञ घोषणा भएका कारण अगाडि नै टिकाटालो गरेको बताइएको छ।
अभिनेत्री सुपुष्पा अभिनित चलचित्र ‘रणवीर’सोचे अनुसारको व्यापार गर्न नसके पनि उनको अभिनयलाई भने दर्शकले रुचाएका थिए । सोही कारण पनि निर्देशक दिपाश्री निरौलाले चलचित्र ‘छ माया छपक्कैमा काम गर्ने अवसर दिएकी थिइन् । ‘छ माया छपक्कै पछि पनि अभिनेत्री सुपुष्पाले चपली हाइट ३’मा काम गरेकी छिन् । उनीहरुको टिकाटालो भए पनि बिहे मिति भने तय भएको छैन ।
Discussion about this post