विशेष अनलाइन । कोशी प्रदेशमा चलचित्र गतिविधि बढाउन प्रमुख भूमिका निर्वाह गर्दै आएका चलचित्रकर्मी महासंघ कोशी प्रदेशका अध्यक्ष अरुण कुमार प्रधान पछिल्लो समय एकपछि अर्को म्युजिक भिडियोको निर्देशनमा व्यस्त छन् ।
धरानलाई कर्मथलो बनाउँदै आएका प्रधानले करिब डेढ महिनाको अन्तरमा ३ वटा म्युजिक भिडियो सार्वजनिक गरेका छन् । चलचित्र निर्देशक समाज केन्द्रीय महासचिव समेत रहेका प्रधानले ‘कृष्ण कन्हैया’, ‘गाह्रो भयो बुढ्यौली जीवन’ र ‘भाव नहि देति है’ शीर्षकका ३ म्युजिक भिडियो सार्वजनिक गरेका हुन् ।
भगवान् कृष्ण र राधाको गाथा बोल्ने भजन ‘कृष्ण कन्हैया’चैत्र २४ गते भजन नेपाल युट्युब च्यानलबाट सार्वजनिक गरेका प्रधानले वैशाख १६ गते वृद्ध आमा बाबुलाई छाडेर सन्तान बिदेसिएको कथालाई समेटेर ‘गाह्रो भयो बुढ्यौली जीवन’नामक म्युजिक भिडियो ओएसआर युट्युब च्यानलबाट सार्वजनिक गरेका थिए । त्यसको करिब ३ दिन पछि अर्थात् वैशाख १९ गते हिन्दी भाषाको गीत ‘भाव नहि देति है’ सार्वजनिक गरे ।
भिडियो हेर्नुहोस्
नेपाली चलचित्रका साथै मैथिली भोजपुरी लगायत अन्य जातीय चलचित्रहरूको निर्माण, निर्देशनमा राम्रो दक्खल राख्न सफल प्रधानको लेखन तथा निर्देशन रहेको भोजपुरी गीत ‘कमर लप लप करे’लाई दर्शकले निकै रुचाएका छन् ।
उक्त गीतको म्युजिक भिडियोमा गायक तथा मोडल दुर्गेश थापा र अभिनेत्री तथा मोडल मेनुका माझीले अभिनय गरेका छन् । वीरेन्द्र कुमार को शब्द सतेन्द्र जी को सङ्गीतमा सतेन्द्र जी र सुस्मिता सिङले स्वर दिएको गीत ‘कमर लप लप करे’ को भिडियो अहिले मिलियन भ्युज मा छ ।
केही वर्ष अघि चलचित्र ‘१२ नेपाली एक चिहान’ निर्माण गरेका प्रधानले सन २०१८ मा अमेरिकामा आयोजना भएको जनजाति फिल्म फेस्टिभलमा उत्कृष्ट निर्देशकको अवार्ड समेत हात पार्न सफल भएका थिए । पुर्वमा नै रहेर चलचित्रकर्मीहरूको हक हितको निम्ति निरन्तर लडिरहेका प्रधानको निर्देशनमा तयार भएको भजन ‘कृष्ण कन्हैया’को लेखन ज्ञानेन्द्र गदालले गरेका हुन् भने उक्त भजनमा तृप्ति खड्का गुरुङको सङ्गीत तथा स्वर रहेको छ । भजनको भिडियोमा दिनेश कोइराला र मेनुका माझीको अभिनय रहेको छ ।
‘कृष्ण कन्हैया’ पछि युवाहरूको विदेश मोहका कारण नेपालमा वृद्ध वृद्धाले भोग्नुपरेको पिडा प्रस्तुत गरिएको म्युजिक भिडियो ‘गाह्रो भयो बुढ्यौली जीवन’ सार्वजनिक गरिएको थियो । इटहरीको इलाइट सिनेमा हलमा एक कार्यक्रम गर्दै म्युजिक भिडियो सार्वजनिक गरिएको थियो । कोशी प्रदेश आन्तरिक मामिला तथा कानुन मन्त्रालयकी राज्य मन्त्री माननीय सुनिता गुरुङको प्रमुख आतिथ्ययतामा भएको कार्यक्रममा कोशी प्रदेशका विभिन्न स्रष्टाहरूको उपस्थिति रहेको थियो । जसमा अधिकांशले निर्देशक प्रधानको कामको खुलेर तारिफ गरेका थिए ।
भिडियो हेर्नुहोस्
लोक तथा दोहोरी गायक बालकृष्ण सिग्देलको शब्द सङ्गीत तथा स्वर रहेको ‘गाह्रो भयो बुढ्यौली जीवन’को म्युजिक भिडियोमा दिनेश कोइराला,उमा कार्की,किशोर थापा र नारायण भण्डारीको अभिनय रहेको छ ।
यस्तै मिलन चाम्स निर्देशित चलचित्र ‘गोर्खा वारियर’को वर्ल्ड प्रीमियरमा सहभागी हुन लन्डन गएको समयमा छायाङ्कन गरिएको हिन्दी गीत ‘भाव नहि देति है’को म्युजिक भिडियो समेत प्रधानले सार्वजनिक गरेका छन् । ‘भाव नहि देति है’को म्युजिक भिडियो भारतको प्रसिद्ध वेब म्युजिक च्यानल मा रिलिज भएको छ ।
लन्डनका मुख्य पर्यटकीय स्थल बिग बेन, लण्डन आई, वेस्टमिनिस्टर, लण्डन ब्रीज, चाईना टाउन लगायतका स्थानमा छायाङ्कन गरिएको उक्त भिडियोलाई पनि नेपाल तथा भारतका दर्शकले निकै रुचाएका छन् ।
भिडियोमा नेपाली मूलकी लन्डन निवासी मोडल तथा नायिका सृजना निङ्लेखु र लन्डनमा नै बसोबास गर्दै आएका बिकेस राज बस्नेतले अभिनय गरेका छन् ।
भिडियो हेर्नुहोस्
Discussion about this post