बिशेष अनलाइन । इटहरीमा रहेर गितसंगीतमा भविष्य देख्नेहरुका लागि सहज गोरेटो बन्दै आएको संगीत साधना प्रतिष्ठान नेपालले “साधना सङ्गीत उत्सव २०७८” मनाउने भएको छ । मंसिर २१ गते देखी ३ दिन सम्म चल्ने कार्यक्रममा बिभिन्न संगितिक कोसेलीहरु प्रस्तुत गरिने संगीत साधना प्रतिष्ठान नेपालका महासचिव राजु केसीले जानकारी दिए । कार्यक्रममा बिभिन्न क्षेत्रका बिशिष्ठ ब्यक्तित्वहरुलाई आमन्त्रण गरिएको छ ।
सङ्गीत साधनाको प्राङणमा हुने कार्यक्रममा पहिलो दिन अर्थात मंसिर २१ गते बिशेष त कलेज र बिध्यालयका बिध्यार्थी केन्दृत साङ्गीतिक कार्यक्रम हुने महासचिव केसीको भनाइ छ । उक्त दिन अन्नपूर्ण च्याम्बर अर्केस्ट्राका सङ्गीतकर्मीहरुले स्वदेशी तथा विदेशी धुनहरु प्रस्तुत गर्नेछन् । स्थानिय कलाकारहरुको पनि प्रस्तुति रहने बताइएको छ । कार्यक्रममा पुर्वेली लोकभाकाहरुको धुन समेत प्रस्तुत गरिने बुझिएको छ । पहिलो दिनको उक्त संगितिक कार्यक्रममा प्रदेश १ सामाजिक बिकास मन्त्री जयराम यादवलाई प्रमुख अतिथिकारुपमा आमन्त्रण गरिएको छ भने बिशेष अतिथिकारुपमा सामाजिक बिकास राज्य मन्त्री बिष्णुमाया तुम्वाहाम्फेको उपस्थिति रहने छ ।
अन्नपूर्ण च्याम्बर अर्केस्ट्राका सङ्गीतकर्मीहरुले पहिलो पटक काठमाण्डौ भन्दा बाहिर प्रस्तुति दिन लागेका हुन् । कार्यक्रमको दोस्रो दिन अर्थात मंसिर २२ गते करिव दिनको ४ बजे कार्यक्रम सुरु गरिने छ । दोस्रो दिनको कार्यक्रममा पनि देश तथा बिदेशका उत्कृष्ट धुनहरु प्रस्तुत गरिने छ । दोस्रो दिनको कार्यक्रममा प्रदेश १ का अर्थमन्त्री इन्द्रबहादुर आङ्वोलाई प्रमुख अतिथिकारुपमा आमन्त्रण गरिएको महासचिव केसीले जानकारी दिएका छन् ।
सङ्गीत साधना प्रतिष्ठान इटहरीको २८ औ बार्षिकोत्सवको अवसरमा आयोजित कार्यक्रमको अन्तिम दिन अर्थात मंसिर २३ गते नारायणगोपाल स्मृति बिषेश कार्यक्रम हुने बताइएको छ । उक्त कार्यक्रममा सुप्रसिद्ध गायकहरु यम बराल,भिषण मुकारुङ,राज सागर लगायत स्थानिय कलाकारहरुको प्रस्तुति रहने छ । दिनको ४ बजेबाट सुरु हुने कार्यक्रममा ३८ जना सङ्गीतकर्मी एउटै स्टेजमा एकै पटक प्रस्तुत हुने छन् ।
अन्तिम दिनको कार्यक्रममा प्रदेश १ का मुख्यमन्त्री राजेन्द्र राइको प्रमुख आतिथ्यता रहने छ भने प्रदेश १ का अन्य बिभिन्न मन्त्रीहरुलाई बिशेष अतिथिकारुपमा आमन्त्रण गरिएको छ । कार्यक्रममा देशका बिभिन्न क्षेत्रबाट गित संगितका सर्जक तथा संस्कृतिका अभियान्ताहरुको बाक्लो उपस्थिति रहने छ ।
Discussion about this post